掃呢頁CODE去手機

2018年8月27日 星期一

【無『冠』一身輕】四位冠軍邊個最靚?雷莊𠒇卸任超興奮﹕由開始時就一直倒數 __,雷莊𠒇,

近四年港姐冠軍,大家覺得邊位最靚女?(ig圖片)
新一屆香港小姐昨晚出爐,由現年23歲嘅陳曉華(Hera)以大熱姿態奪冠。2017年港姐冠軍雷莊兒(Juliette)已成為過去式,佢選擇唔留喺香港、唔 ...


新一屆香港小姐昨晚出爐,由現年23歲嘅陳曉華(Hera)以大熱姿態奪冠。2017年港姐冠軍雷莊兒(Juliette)已成為過去式,佢選擇唔留喺香港、唔簽大台,返去加拿大發展。Juliette今日都有喺ig寫咗一篇卸任後感言,佢以英文留言﹕「好多人都問我卸任嘅感想。嗯......你可以從我臉上嘅笑容睇得出我真係好高興已經完成啦。如果你真係了解我,你會知道點解。(當時機成熟嘅時候我會公開)但係我由開始時就一直倒數。點解?因為我總係對下一步嘅事情更加興奮,就好似大學時夢想可以表演嘅感覺也一樣。這很棒,但我有更大的夢想。我仍然係同一個人,一直都忠於自己。而且我一直對自己忠誠。我認為冇咩傷心嘅地方,不久以前我就已經準備好繼續前進。」



至於Juliette嘅兩位師姐麥明詩(Louisa)同馮盈盈嘅發展都唔錯,今年被委以重任,有機會喺港姐問答環節訪問一班佳麗,又逼佳麗揀「邊個羸咗最唔公平?」、「會唔會變賣后冠」等尖銳問題,擦出唔少火花。



盈盈今日深宵亦有感而發,撰寫一篇長文,仲好識做咁多謝台前幕後,仲有德高望重嘅Do姐鄭裕玲不時提點,留言︰「當然要首先多謝Do姐在台前不斷為我們圓場和主持大局。在台後她亦樂意與我們後輩大方分享主持技巧和心得,不時指點改進之處,並盡力配合我們的新想法和提議。她真是一位敬業樂業,又和藹可親的前輩。」真係好識賣口乖。



最後盈盈仲hashtag話﹕「#以為問人問題好簡單 #原來殊不容易 #我寧願自己答番#雖然中間火花四濺 #但總算製造到氣氛 #希望你地睇得開心? #我地就真係死而無憾。」



精選娛聞,喺晒《娛果》

http://fb.com/appledailyent



近四年港姐冠軍,大家覺得邊位最靚女?(ig圖片) Juliette叫大家睇佢臉上笑容,就知佢卸任後有幾開心。(ig截圖) Juliette叫大家睇佢臉上笑容,就知佢卸任後有幾開心。(ig截圖)
Juliette與去年季軍黄瑋琦(右一)都選擇唔續約。 (ig圖片)

Juliette與去年季軍黄瑋琦(右一)都選擇唔續約。 (ig圖片)
Juliette準備展開人生新頁。 (ig圖片)

Juliette準備展開人生新頁。 (ig圖片)
麥明詩同馮盈盈首次擔任港姐司儀,表現都好淡定。(ig截圖)

麥明詩同馮盈盈首次擔任港姐司儀,表現都好淡定。(ig截圖)
11號李明芙開名話選到14號何泳芍就唔公平,搞到要Do姐出手打圓場。

11號李明芙開名話選到14號何泳芍就唔公平,搞到要Do姐出手打圓場。

鍾意就快D Share啦!