2018年8月8日 星期三

【延禧攻略】三大女主角 你最鍾意邊個? __,延禧攻略,

延禧攻略
【延禧攻略】三大女主角你最鍾意邊個?《延禧攻略》三大女主角除咗港人熟悉嘅佘詩曼之外,仲有飾演富察皇后嘅秦嵐,以及由宮女最終做到皇后嘅吳謹言,三女不但有 ...


【延禧攻略】三大女主角 你最鍾意邊個?



《延禧攻略》三大女主角除咗港人熟悉嘅佘詩曼之外,仲有飾演富察皇后嘅秦嵐,以及由宮女最終做到皇后嘅吳謹言,三女不但有演技仲有高顏值,唔知大家最鍾意佢哋之中邊一個?

撰文:東方新地|圖片:電視劇照及截圖、、





《延禧攻略》吳謹言 以牙還牙

雖然同樣係後宮鬥爭,但吳謹言飾演嘅魏瓔珞並非「劉三好」一般嘅正氣女主角,而係充滿心計嘅機智女子,仲喜歡以眼還眼、以牙還牙。

延禧攻略



面對同期宮女嘅欺凌,佢出言反擊:「我,魏瓔珞,天生脾氣暴,不好惹,誰要是再唧唧歪歪,我有的是法子對付她!」



27歲吳謹言真人原來係學芭蕾舞出身,10歲考入北京舞蹈學院附中學習芭蕾舞,17歲就加入咗中央芭蕾舞團工作。



到19歲,吳謹言因為受傷而棄舞從演,考入北京電影學院表演系,翌年參演電視劇《古今六人行》出道,之後陸續演出過電影《無問東西》、劇集《少年神探狄仁傑》、《烽火佳人》等作品。

《烽火佳人》


直到在《延禧攻略》擔正做女主角,才成功一炮而紅。



有觀眾覺得吳謹言以柳葉眉配尖面、闊額頭,似足外星人,但其實佢嘅妝容係跟足清朝嘅流行打扮。



現實中嘅佢其實係一個濃眉大眼瓜子臉嘅美人!



秦嵐 溫婉大方

37歲秦嵐在《延禧攻略》中飾演溫婉大方嘅富察皇后。



原來佢曾經演過《環珠格格3天上人間》中嘅江南名媛陳知畫。





仲曾經唱過歌出過一隻EP《一肩之隔》。



出身東北遼寧省嘅秦嵐五官深邃,但面形圓潤,亦算符合皇后溫婉嘅氣質!



現實中嘅秦嵐係個女強人,近年除咗拍戲仲跨界從商,自創紅酒品牌及寵物用品品牌,仲創立咗間影業公司。



佘詩曼 忠變奸

佘詩曼在《延禧攻略》中由忠變奸,戲份漸多,氣質亦由初時嘅與世無爭,逐漸變得陰險狠毒。



雖然由42歲佘詩曼演23歲嫻妃有點勉強,但佘詩曼以演技搭夠,亦能令觀眾入戲。



身為97年港姐季軍,佘詩曼靚足咁多年,講開原來當年冠軍係翁嘉穗,亞軍係李明慧,兩人如今都已放棄演藝事業,嫁人做闊太。



半露香肩,更加誘人!



佘詩曼 10套經典古裝劇重溫!

其實除咗《延禧攻略》之外,一向好戲嘅佘詩曼仲拍過唔少古裝劇,包括《金枝慾孽》、《宮心計》等,都成為劇迷心目中嘅經典之作!

1. 99年《雪山飛狐》

97年奪得港姐季軍後,佘詩曼在99年處女拍劇即擔正做女一,飾演由金庸武俠小說改編嘅《雪山飛狐》女主角苗若蘭,當年嘅青澀樣貌竟同近日佢飾演嘅廿幾歲嫻妃相差不遠。



2. 00年《碧血劍》

拍完《雪山飛狐》,翌年佘詩曼再演金庸名著《碧血劍》,飾演女主角阿九 (長平公主),與林家棟有感情線。



3. 01年《倚天屠龍記》

吳啟華版嘅《倚天屠龍記》,由佘詩曼飾演周芷若,黎姿演趙敏,原來兩人喺《金枝慾孽》前已演過情敵。



4. 03年《帝女花》

與陳豪、馬浚偉主嘅古裝劇,當年嘅佘詩曼仍有包包面,女二有郭羨妮。



5. 04年《金枝慾孽》

04年《金枝慾孽》可說係佘詩曼嘅代表作,亦成為宮鬥劇中嘅經典,當中佢飾演嘅爾淳為達目的機關算盡,最後卻同侍衛陳豪終成眷屬,happy ending。



6. 06年《覆雨翻雲》

同林峯主演黃易武俠小說改編電視劇《覆雨翻雲》,飾演慈航靜齋嘅秦夢瑤,打扮仙氣十足!



7. 06年《鳳凰四重奏》

《鳳凰四重奏》中佘詩曼一人分飾四角,憑精湛演技首奪最佳女主角獎,升呢視后。



8. 07年《鐵咀銀牙》

飾演牙尖咀利女狀師,與陳小春及謝天華大玩三角戀。



9. 09年《宮心計》

劇中飾演「做好事、說好話、存好心」嘅「劉三好」,至今仍為觀眾所熟識,亦是其代表作之一。



10. 10年《公主嫁到》

《公主嫁到》係佘詩曼喺無綫最後一部古裝劇,劇中佢飾演氣勢凌厲嘅公主,同陳豪繼做一對鬥氣夫妻,大受好評!

鍾意就快D Share啦!
Related Posts Plugin for WordPress, Blogger...