掃呢頁CODE去手機

2018年8月2日 星期四

蕭正楠:蕭正楠曹永廉探班 演員爆金句笑反艇 __,正楠,曹永廉,蕭正楠,

好有火花!藝人蕭正楠與曹永廉(阿廉)主持嘅節目《兄弟大茶飯》熱播中,兩位抵死搞笑嘅兄弟周圍去探班,為一班演員煮嘢食。之前一集講佢哋去咗探《多功能老婆》 ...


好有火花!


藝人蕭正楠與曹永廉(阿廉)主持嘅節目《兄弟大茶飯》熱播中,兩位抵死搞笑嘅兄弟周圍去探班,為一班演員煮嘢食。之前一集講佢哋去咗探《多功能老婆》劇組嘅班,劇中演員楊千嬅、陳煒、黃浩然、洪永城、朱晨麗、馬蹄露等都試過佢哋手勢。兩兄弟除咗煎扒、整溫泉蛋海膽飯外,就連鱈魚膠糖水都整埋,真係啱晒一班貪靚嘅女士,搞到佢哋食到舔舔脷!期間更發生唔少笑話,當阿廉介紹鱈魚膠糖水畀千嬅時,千嬅突然爆一句:「乜膠呀?」真係搞到兩兄弟打個凸。跟住黃浩然就係咁寸好兄弟蕭正楠與阿廉,一時話兩個「契弟」喺度煮嘢,一時又笑阿廉咁大年紀仲喺電視台做小生。就連陳煒都唔放過佢哋,當蕭正楠笑指鱈魚膠係鵝腸時,陳煒即笑謂:「你嗰條就粉腸!」

此外,馬蹄露又問蕭正楠,如果節目收視有45點滿唔滿意,跟住佢又謂:「唔夠我畀埋我嗰兩點你!」阿蕭聞言即笑謂:「你嗰兩點留番留番有需要嘅人OK嘅!我冇需要!」觀眾真係笑到反肚!

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!