2018年8月28日 星期二

【趙希洛媽咪】與前妻因了解而分開 李道洪爆梁小玲厭惡娛樂圈 __,趙希洛,

(攝影:陳慧安)
李道洪經歷了兩段婚姻,現任太太結婚18年,有兩子,分別是18歲大仔Winston和14歲的細仔Victor。前妻,是梁小玲、無綫「御用癲婆」趙希洛的母 ...


李道洪經歷了兩段婚姻,現任太太結婚18年,有兩子,分別是18歲大仔Winston和14歲的細仔Victor。前妻,是梁小玲、無綫「御用癲婆」趙希洛的母親。



「陳年往事啦喎,40幾年前往事。我哋係好早期一段婚姻,可以話誤會而結合,了解而分手。麗的時間認識,跟住我哋拍檔,跟住我哋唔合就離婚,前後都有4年。74年結婚,78年離婚。」



退出娛樂圈數十年的梁小玲,是李道洪麗的訓練班師姐,演情婦、二奶角色最入型入格,包括《親情》和《京華春夢》。但李道洪透露,梁小玲早早已厭倦娛樂圈這個花花世界。



「佢好厭惡影視工作,冇人知㗎,佢一路喺電視做咗好多年,但其實佢係一個好純樸嘅人,佢唔慣影視圈嘅虛偽圓滑,我哋影視圈鍾意埋堆,佢又唔埋堆,佢係一個好獨立個體,唔鍾意太多應酬,而我係幾喜歡埋㗎,譬如同發仔(周潤發),我哋收工會一齊去宵夜,佢就認為收工應該返屋企,做乜你11點收工,1點先返嚟?」



「第二,佢認為一個男人做演員係冇出息。我讀書係讀理料,跟住去台灣讀土木工程,佢認為我應該做工程師,但香港環境好特殊,你台灣讀書,香港係攞唔到牌做工程師,我認為冇出息,我認為電視條路啱行,但佢認為條路唔啱行,我哋為呢件事拗咗足足4年,拗到我喺台灣大賣座紅咗,佢都唔接受呢件事,唔接受冇辦法啦,已經變咗一個事業與家庭嘅抉擇。」



跟前妻再見亦是朋友?李道洪說:「再見就打吓招呼,點吓頭,因為雙方有唔同家庭,唔希望有另外一個誤會,只有《歡樂今宵》聚餐大家見一見啦。」



99年尾,李道洪娶了年輕21歲的上海姑娘,他感激太太支持自己演藝事業:「但到咗我呢個時間年紀漸大,我希望有家庭,所以由我大仔出世之後,我就減少工作量。」



採訪:戴彩煥

攝影:陳慧安

攝錄:陳俊強

場地提供:Gulu Gulu



精選娛聞,喺晒《娛果》

http://fb.com/appledailyent



(攝影:陳慧安)  李道洪99年尾娶年輕21載嫩妻,並生下兩子。(網上圖片) 李道洪99年尾娶年輕21載嫩妻,並生下兩子。(網上圖片)
三父子玩桌球,感情甚佳。

三父子玩桌球,感情甚佳。
李道洪長子Winston(右)現年18歲,細仔Victor(左)現年14歲。

李道洪長子Winston(右)現年18歲,細仔Victor(左)現年14歲。
李道洪表示跟梁小玲因了解而分開。

李道洪表示跟梁小玲因了解而分開。
梁小玲80年代淡出娛樂圈。 (資料圖片)

梁小玲80年代淡出娛樂圈。 (資料圖片)
梁小玲(中)跟李司棋(左)及黃韻詩(右)同於1968年麗的映聲第2期藝員訓練班畢業。(資料圖片)

梁小玲(中)跟李司棋(左)及黃韻詩(右)同於1968年麗的映聲第2期藝員訓練班畢業。(資料圖片)
擅演情婦角色的梁小玲,原來早厭倦演藝工作。 (電視圖片)

擅演情婦角色的梁小玲,原來早厭倦演藝工作。 (電視圖片)
 梁小玲《親情》中演劉丹情婦。(電視圖片)

梁小玲《親情》中演劉丹情婦。(電視圖片)
梁小玲於《京華春夢》中演譚炳文情婦。(電視圖片)

梁小玲於《京華春夢》中演譚炳文情婦。(電視圖片)
 梁小玲再婚後生下女兒趙嘉迪,女兒07年選港姐,正式入行後改名趙希洛。(資料圖片)

梁小玲再婚後生下女兒趙嘉迪,女兒07年選港姐,正式入行後改名趙希洛。(資料圖片)

鍾意就快D Share啦!
Related Posts Plugin for WordPress, Blogger...