掃呢頁CODE去手機

2018年8月21日 星期二

【同家英哥補影結婚相?】汪明荃榮升姑奶奶 着住裙褂飲新抱茶 __,汪明荃,

阿姐着住裙褂同家英哥補影結婚相?(fb圖片)
恭喜恭喜,阿姐汪明荃喺美國時間18日星期六,即係香港時間噚日榮升姑奶奶。阿姐喺美國居住嘅細佬Henry,噚日娶新抱,阿姐同老公羅家英專登去美國出席婚禮 ...


恭喜恭喜,阿姐汪明荃喺美國時間18日星期六,即係香港時間噚日榮升姑奶奶。阿姐喺美國居住嘅細佬Henry,噚日娶新抱,阿姐同老公羅家英專登去美國出席婚禮,阿姐仲特登預備一套靚靚裙褂飲新抱茶。

雖然阿姐侄新抱係外國人,但都依足傳統向阿姐跪地斟茶,而一對新人仲揀咗18年8月18日農曆初八嘅好日子結婚。阿姐今日凌晨喺facebook甫咗多張婚禮同飲茶相,留言話:「18年、8月、18日、初8。一百年只有一次的好日子、一個吉祥的、幸福的好日子。這天也是我侄兒Bruce及Ryah結婚的好日子。我和家英哥特從香港遠赴美國佛羅利達州出席婚禮。我弟弟Henry及弟婦AMY 娶新袍、非常開心。新娘子是外籍人士、也願意依中國傳統禮儀、跪地向長輩斟茶行禮、討得一眾老人家歡心、我也升級做姑奶奶了、很感動。祝福他們幸福!快樂!健康!早日開枝散葉!」睇相差啲以為阿姐着裙褂同家英哥補影結婚相呢!

其實今次去美國參加婚禮出現小插曲,家英哥噚日凌晨喺fb留言話:「8月15與太后赴美國佛羅里達州,參加她侄兒的婚禮,乘國泰航空,在紐約入口和轉機,不同的通道,太后竟然遲了20分鐘還未出來、嚇死我,又不能進去,又無訊號,幸喜國泰這兩位空姐幫忙,找到她了,並幫助我們運送行李,再過安檢等事宜,終於在短短時間中趕上飛機、真的感謝他們兩位啊!」家英哥仲甫咗多張相多謝空姐呢。

精選娛聞,喺晒《娛果》

http://fb.com/appledailyent

阿姐着住裙褂同家英哥補影結婚相?(fb圖片) 阿姐侄新抱係外國人。(fb圖片) 阿姐侄新抱係外國人。(fb圖片)
阿姐好靚呀。(fb圖片)

阿姐好靚呀。(fb圖片)
家英哥同阿姐跟一對新人合照。(fb圖片)

家英哥同阿姐跟一對新人合照。(fb圖片)
新娘換上婚紗。(fb圖片)

新娘換上婚紗。(fb圖片)
有埋舞獅好熱鬧。(fb圖片)

有埋舞獅好熱鬧。(fb圖片)
阿姐差啲趕唔到飛機,好在空姐幫忙。(fb圖片)

阿姐差啲趕唔到飛機,好在空姐幫忙。(fb圖片)

鍾意就快D Share啦!