掃呢頁CODE去手機

2018年8月9日 星期四

盧凱彤墮樓身亡:盧凱彤不敵煎熬!薛凱琪砌低躁鬱抗心魔 __,盧凱彤,薛凱琪,

Fiona早年曾患躁鬱症,幸得Ellen鼓勵。患躁鬱症的歌手盧凱彤(Ellen)日前在跑馬地寓所墮樓身亡,其實不少圈中人曾飽受抑鬱症煎熬,例如薛凱琪( ...


Fiona早年曾患躁鬱症,幸得Ellen鼓勵。


患躁鬱症的歌手盧凱彤(Ellen)日前在跑馬地寓所墮樓身亡,其實不少圈中人曾飽受抑鬱症煎熬,例如薛凱琪(Fiona)早年患上躁鬱症,幸好後來康復。當日Fiona聽到Ellen離世消息,在社交網發文悼念對方,並透露Ellen曾鼓勵同病相憐的她:「我永遠記住了那番話,我的康復有許多原因,但你的每一句話對我來講都很重要,我會一路把你的鼓勵和愛帶給所有有需要的人。」可惜,Ellen竟然先行一步。

情緒大變

已走出躁鬱症陰霾的Fiona接受東網訪問,回望過去病發時她坦言:「嗰時唔知道係一個病症,只知道自己情緒大變,有幻聽,當開始想死時先知自己有病,去睇醫生食藥。嗰時每日要食六、七粒藥,但食咗藥個人迷迷糊糊,提唔起勁做任何嘢,連睇醫生都唔想,要啲朋友迫我、陪住我去睇,睇住我食藥,之後醫生證實原來我都係躁鬱症,情緒過度上落好大,仲成日喊。」

鼓勵粉絲

問到可擔心復發?Fiona表示:「有擔心過,所有病都會翻發,好似感冒咁,我覺得係自己個心畀呢個病(躁鬱症)我,所以會提醒自己有能力康復,自己可以戰勝佢。」她亦以過來人身份跟粉絲分享:「有患抑鬱症嘅粉絲搵我,我真係有同佢哋出嚟食飯傾偈,同佢哋祈禱,又會送十字架畀佢哋,等佢哋睇到我康復,做個榜樣畀佢哋。」

患者擅於掩飾

Fiona亦謂情緒病患者擅於掩飾自己:「抑鬱症同失戀一樣,同朋友食飯時完全冇嘢,但返到屋企就變另一個人,因為佢哋扮得好叻,所以病患者真係要話畀人知,要同人傾訴,唔好沉澱喺黑暗中。」並呼籲大家多關心身邊人,少說負面說話。


來源 source: http://hk.on.cc
鍾意就快D Share啦!