掃呢頁CODE去手機

2018年8月9日 星期四

余德丞(Dickson):疑患遺傳性心臟病 醫生:有機會變植物人 __,余德丞,

梁達智醫生指Dickson有機會患上遺傳性心臟病或心肌炎。藝人余德丞(Dickson)尋晚喺球場踢波,疑身體不適,在場外休息期間突然暈倒昏迷,送往瑪麗 ...


梁達智醫生指Dickson有機會患上遺傳性心臟病或心肌炎。


藝人余德丞(Dickson)尋晚喺球場踢波,疑身體不適,在場外休息期間突然暈倒昏迷,送往瑪麗醫院搶救,現留在深切治療部。據心臟科專科醫生梁達智表示,Dickson有機會患上遺傳性心臟病或心肌炎:「患者未必知,因為要做心電圖先知,如果30歲以下突然暈或心臟停頓,可能係心肌肥厚,令到心跳得好快同亂。但如果係心肌炎,就要患者本身發燒、心口唔舒服或者氣喘引發。(關佢本身有哮喘事?)冇關係嘅。」

一分鐘內急救

若患者突然暈倒,梁醫生指急救黃金時間要在一分鐘內:「一分鐘內就要做急救,如果過多幾分鐘,就會可能救唔番或變植物人。(幾耐醒番先冇事?)當然愈快愈好,愈長時間就愈危險,當然亦有例子係昏迷一兩日好番,要等佢醒番再做詳細檢查,睇吓究竟發生咩事。」

要留意呼吸

如果身邊有朋友發生同類事件,梁醫生表示第一時間要睇對方有冇呼吸、不斷叫喚對方:「可以喺大髀大動脈、頸同埋手腕睇吓佢有冇心跳,如果有學過急救,可以同佢做心肺復甦,但唔識急救都唔緊要,公眾場所同球場,會有自動體外心臟除顫器(AED),唔需要學過急救都可以用,佢係有兩塊嘢黐喺心口,會自動睇吓患者有冇心跳,然後通過電撃令佢心跳正常。」


來源 source: http://hk.on.cc
鍾意就快D Share啦!