掃呢頁CODE去手機

2018年8月28日 星期二

【政府靠唔住】Fans 排隊買飛被斬 劉華演唱會不設售票處售票 __,劉華,劉德華,

「我亦都知道好難會有一個完美嘅解決方法。所以喺呢段時間𥚃面,我地會盡量跟進呢件事。」劉華真係劉華!講得出,做得到!早兩日劉華有內地粉絲 ...




「我亦都知道好難會有一個完美嘅解決方法。所以喺呢段時間𥚃面,我地會盡量跟進呢件事。」劉華真係劉華!講得出,做得到!

早兩日劉華有內地粉絲喺柴灣排隊買演唱會飛嗰陣,俾一名南亞裔人仕用利刀襲擊,事主手同耳仔受傷要送入院。事後華仔即刻拍片放上官網,仲話呢件事另佢好唔舒服。

「其實我希望,喜歡我或者支持我嘅朋友,都能夠平平安安咁去購買演唱會飛,開開心心咁嚟睇我嘅演唱會。」

經過一輪商議之後,華仔今日喺官網出post,話考慮到市民人生安全。所以 9 月4日賣飛當日,將不會安排售票處售票,門票只會透過網上、流動應用程式同埋信用卡電話訂購。到時一共有六萬張門票公開發售。

其實門票未公售,近日一班黃牛黨已經吼準搵錢機會,原本$980嘅門票,炒到$2400!其實一向錫Fans 嘅劉華,早幾個月已經預留一批內部門票,只限「華仔天地」會員認購。

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!