（互聯網）
轉會市場即將完結，曼聯做緊最後衝刺，領隊莫連奴希望可以簽到新中堅。寸王一向鐘意簽星，繼哈利馬古尼、艾達韋列特之後，莫連奴已將最新目標，鎖定拜仁慕尼黑中堅謝路美保定。據外媒指拜仁唔介意出售呢名德國國腳，只要收到5500萬鎊就會放人，曼聯方面希望搵安東尼馬迪爾直接交換，但拜仁高層路美尼加就公開表示，對馬迪爾毫無興趣。即係同曼聯講，你畀錢我就得㗎喇。
曼聯於轉會市場一向闊綽，不過今個夏天動作極少，而現時轉會市場已經瘋狂，英格蘭新貴哈利馬古尼身價高達7500萬鎊，艾達韋列特亦被熱刺標價達6000萬鎊，紅魔鬼高層都嫌貴唔肯行動，寸王唯有轉移目標。
謝路美保定屬拜仁及德國國家隊必然正選，但佢今年已29歲，近年表現大不如前，故拜仁唔介意將佢放走，非星不買嘅寸王，對保定有興趣唔奇。莫連奴現時同馬迪爾關係水火不容，故希望同拜仁以一換一。
不過路美尼加公開表示，球會根本冇諗過要馬迪爾：「拜仁有列貝利、洛賓、京士利高文等翼鋒，所以冇簽馬迪爾嘅必要。」馬迪爾被曼聯標價7000萬鎊，但似乎真係有價冇市，曼聯要簽保定，睇嚟要明碼實價科水。
東網體育FB同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|
