掃呢頁CODE去手機

2018年8月6日 星期一

英超Fever:【東網直播】最後試陣 曼聯拜仁經典對決! __,曼聯,

(互聯網)收看直播,請按東網APP頂部的直播ICON;或按以下直播Link:http://tv.on.cc/live 話咁快新球季就嚟開打,東網on. ...


(互聯網)


收看直播,請按東網APP頂部的直播ICON;或按以下直播Link:http://tv.on.cc/live 

話咁快新球季就嚟開打,東網on.cc直播亦會推開一系列足球直播,今晚率先送上1場「歐聯級」熱身賽,由拜仁慕尼黑喺安聯球場硬撼曼聯。兩軍近況都麻麻,又為互換球員一事傾唔掂數,今仗碰頭勢必擦出火花,不過曼聯仍有盧卡古、保羅普巴等世盃國腳未出得,相反拜仁一眾球星如紐亞、湯馬士梅拿已經歸隊,兼有主場之利有力攞頭彩。(東網on.cc周日深夜2時15分直播)

拜仁對曼聯呢個match up,絕對係經典對決,每次碰頭都精彩到暈,最經典莫過於1999年嘅歐聯決賽,拜仁開波冇耐就領先1粒,一直lead到補時階段,竟然畀曼聯後備入替嘅白雙煞舒寧咸及蘇斯克查各建一功反勝,相信紅魔粉迷依然回味無窮,亦令兩軍結下不解之仇,而近2次於歐聯淘汰賽交手(2010及2014年),拜仁都將紅魔踢出局,真係仇人見面分外眼紅。

曼聯主帥莫連奴今夏想簽新中堅,早前有意將不受重用嘅前鋒安東尼馬迪爾,向拜仁交換後衞謝路美保定,點知拜仁高層路明尼加話對馬迪爾冇興趣,想買保定就擺低5,500萬鎊(約5.6億港元)轉會費,交換免問,令關係進一步惡化。

查實兩軍近況都麻麻,曼聯早前赴美國參加熱身賽及國冠盃,法定時間只得1勝3和1負,包括以1比4慘敗畀死敵利物浦,雖然有指盧卡古、拉舒福特、域陀連迪路夫及菲爾鍾斯等世盃國腳會縮短假期,弊在狀態未足今仗唔使預佢哋,連同仲放緊假嘅核心保羅普巴,個陣都幾殘。

另一邊廂,拜仁喺國冠盃只得1勝2負,幸好幾名德國國腳如紐亞、湯馬士梅拿、哥列斯卡已經歸隊,連同基拿比、阿拉巴同「2R」列貝利、洛賓等,陣容比曼聯齊腳,加上今仗有主場之利,新帥尼高高華梗係想降「魔」攞彩,為即將開打嘅新球季開個靚頭。

睇好波又點可以冇好評述!今次東網on.cc直播拜仁慕尼黑對曼聯,除咗有郭子龍同Oscar外,仲搵埋又靚女又識波嘅Kannas陪大家睇呢場經典對決,想見證呢位「P牌評述」處子登場,就要留意東網on.cc喇!


來源 source: http://hk.on.cc
鍾意就快D Share啦!