掃呢頁CODE去手機

2018年8月7日 星期二

英超Fever:【零秒出手】最後一擊 曼聯癲價斟塞國中場 __,曼聯,

(GettyImages)紅魔鬼曼聯近期在轉會市場處處碰壁,距離周四轉會窗死線可謂時間無多,英媒爆料莫連奴打算作出重磅最後一擊,目標球員係拉素塞爾維亞 ...


(Getty Images)


紅魔鬼曼聯近期在轉會市場處處碰壁,距離周四轉會窗死線可謂時間無多,英媒爆料莫連奴打算作出重磅最後一擊,目標球員係拉素塞爾維亞世盃中場米連高域沙域,開出球王級癲價1.38億鎊(約13.8億港元)力斟,總之要人唔要錢!

其實曼聯首要斟介目標係中堅,但傾過幾個都傾唔成,包括熱刺守將艾達韋列特、李斯特城嘅哈利馬古尼及巴塞隆拿嘅耶利文拿,全部得個桔,反而自己嘅法國中場保羅普巴出現離心,被巴塞隆拿及祖雲達斯乘機挖角,形勢不妙。

之前有風聲傳出,曼聯想同車路士交換球員,寸王想用棄將安東尼馬迪爾交換巴西中場韋利安,兩人身價同樣係7500萬鎊可以扯平,不過好快就冇晒下文,呢個時候再傳曼聯力斟米連高域沙域,似乎啱數。

米連高域沙域年僅23歲,上季在意甲交出12球及3個助攻,俄羅斯世盃期間不時傳出與歐洲各大豪門有聯繫,而佢本人並唔抗拒加盟曼聯;由於時間無多,英媒報道曼聯有意出重手,以破球會紀錄嘅1.38億鎊斟佢,其實如果出到呢個價錢,球王都傾到番嚟,但依家急起上嚟,唯有畀多啲錢。

東網體育FB同你追實體壇每個精彩時刻!

http://bit.ly/2ecTF2A 

Follow東網體育IG一齊撐本地運動員!

http://bit.ly/2EYxoRh 


來源 source: http://hk.on.cc
鍾意就快D Share啦!