掃呢頁CODE去手機

2018年8月9日 星期四

英超Fever:【不斷更新】唔再食檸檬 曼聯要買最貴後衞 __,曼聯,

(GettyImages)【20:27】曼聯收購後衞屢遭挫折,買李斯特城中堅哈利馬古尼、熱刺中堅艾達韋列特被拒之後,轉移目標想簽馬體會老將高甸,又唔掂 ...


(Getty Images)


【20:27】曼聯收購後衞屢遭挫折,買李斯特城中堅哈利馬古尼、熱刺中堅艾達韋列特被拒之後,轉移目標想簽馬體會老將高甸,又唔掂。據悉會方已經非常着急,準備加碼,務必要增添1位具份量嘅守將,可能出到8000萬鎊(約8.1億港元),利誘李斯特城出售哈利馬古尼,令呢位25歲英格蘭國腳成為最高身價後衞。

【19:37】外媒報道,修咸頓、紐卡素、愛華頓、富咸、比錫達斯、華倫西亞都有意收購阿仙奴前鋒韋碧克。兵工廠亦已決定放走呢位27歲英格蘭國腳,其中以修咸頓最大機會簽入佢,據悉只要雙方傾掂人工,就可以簽約。

【18:15】愛華頓新領隊馬高施華透露會簽入3位球員,主要目標係2位巴塞隆拿球員,包括中場安祖高美斯、中堅耶利文拿。馬高施華同安祖高美斯都係葡萄牙人,大家同聲同氣,難怪馬高施華信心十足,揚言可以簽入佢。

【17:47】阿仙奴前鋒盧卡斯佩雷斯轉投韋斯咸,簽約3年,轉會費為400萬鎊。呢位29歲西班牙球員上季被外借去拉科魯尼亞,上陣35場入8球,球隊最終降班。

【16:50】今季英超轉會窗將於香港時間周五(10日)凌晨零時關閉,上季冠軍曼城有收獲,成功簽入墨爾本城19歲新星丹尼爾阿辛尼,睇來領隊哥迪奧拿有意將球隊年輕化。

丹尼爾阿辛尼有份為澳洲出戰今屆世界盃,並於首仗分組賽對法國,就已經上陣,成為今屆賽事最年輕披甲球員,絕對唔嘢小。

東網體育FB同你追實體壇每個精彩時刻!

http://bit.ly/2ecTF2A 

Follow東網體育IG一齊撐本地運動員!

http://bit.ly/2EYxoRh 


來源 source: http://hk.on.cc
鍾意就快D Share啦!