子華神啲抵死金句令人心情放鬆，其實歷年都有唔少藝人曾經拋出經典金句，為大家帶嚟無限歡樂，如果懂得活學活用，更可以將金句加「Fun」，家陣啲打工仔壓力咁大，不如就將金句用喺呢班打工仔身上，道出「打工仔血淚史」，亦可藉此同大家一齊重溫呢啲經典語錄。
洪朝豐：「一隻手指捽死佢！」
出處：2000年，洪朝豐與年長6年的寶詠琴相戀，可惜戀情只維持不足一年便分手，之後洪朝豐經常對舊愛針鋒相對，其中就拋下過這個金句。
蔡楓華：「剎那光輝唔代表永恒！」
出處：蔡楓華於1985年《勁歌金曲》季選，得知張國榮奪獎時，突拋出這句說話，連當時的另一位司儀盧敏儀都打個突，之後蔡楓華事業一落千丈，在娛圈浮浮沉沉。
活學活用：依家唔少公司都喜歡捽下屬交數，有啲上司嘅氣焰同嘴臉直頭就係用表情話畀你聽，佢可以用一隻手指捽死你…不過打工仔唔使Unhappy，只要記得蔡楓華嘅另一金句「剎那光輝唔代表永恒！」有風駛盡𢃇，都唔慌會有Happy Ending！
黃子華：「若要人不知，唔好太低B」
出處：2004年黃子華、蔡少芬主演無綫劇《棟篤神探》，子華所飾演嘅莫作棟金句多籮籮，角色討好，最終更因觀眾不喜歡悲劇收場，而要重拍一個開心結局版，氹番大家開心！
活學活用：辦公室冇嘢多、是非多，亦有啲三姑六婆喜歡講秘密，但其實所謂嘅秘密話就話講畀你一個人知，其實就全世界都知，之後又話係你洩漏風聲，相當Crazy！所以當有人同你講「我有個秘密要同你講，但你唔好講畀人知呀」嘅時候，你不如直接同佢講番子華呢句「若要人不知，唔好太低Ｂ」，秘密留番同個樹㝫講就得喇。
章小蕙：「飯可以唔食，衫唔可以唔買！」
出處：愛衫如命的章子蕙，接受傳媒訪問時道出自己對買衫的澎湃熱情，有指當年她每季都會豪花卅萬置裝。
古巨基：「我真係好鍾意好鍾意唱歌！」
出處：基仔於2004年叱咤頒獎禮上奪得樂壇男歌手金獎時，爆喊感謝經理人，並道出自己的心聲。
活學活用：當年章小蕙呢句説話曾經惹來不少劣評，之不過，但其實只要用喺啱嘅地方，就好似Fashion Buyer向老細咁講嘅話，老細一定加你人工。同樣道理，一個歌手，喊住同全世界講：「我真係好鐘意唱歌！」同樣都係攞晒分，令人印象深刻，再簡單啲講，向老闆帶出「我好愛我份工」就實冇死，學《巾幗梟雄》嘅柴九話齋「人生有幾多個十年！」上司同下屬有時都幾似夫妻相處，你氹我，我又氹吓你，咪又過一日囉，最緊要開心！
|
鍾意就快D Share啦！
|
|
|
