掃呢頁CODE去手機

2018年8月7日 星期二

【品牌新貴】婚後人夫形象正面 陳柏宇IG出個post收6位數字(足本版) __,陳柏宇,

唔知有無人有咁嘅疑問:「以前都唔覺陳柏宇係個搵好多錢嘅歌手藝人,點解近年好似富貴咗咁多嘅?」陳伯成家人移民晒加拿大,家境唔會差得去邊。以個人嚟講的話, ...




唔知有無人有咁嘅疑問:「以前都唔覺陳柏宇係個搵好多錢嘅歌手藝人,點解近年好似富貴咗咁多嘅?」

陳伯成家人移民晒加拿大,家境唔會差得去邊。以個人嚟講的話,的確喺2009年左右因為版權風波霉過一段日子,但2015年憑《回眸一笑》事業已經有返起色,加埋2016年「隱世高手」呢個朵,令佢立即成為熱門討論對象,事業亦越見光明。直到2017年同符曉薇拉埋天窗後,《Speechless演唱會》枕住四圍唱,而且人夫正面形象更帶挈佢豬籠入水,做代言拍廣告接到手軟,賺賺埋埋自己仲做埋老闆,孖住老友阿King開嘅火鍋店同酒吧已經各有兩間,誇張啲講係坐住等收錢。

不過呢啲都未算係最搵錢嘅生意,據知陳伯兩公婆透過facebook、Instagram呢啲social media搵到嘅錢仲誇張,出條有聲有畫嘅IG post聽聞收十個幾,無片單係圖加字都幾萬起跳,難怪出入揸兩座位價值150萬嘅辣跑、BB未出世就要買定$6000嘅來佬凳啦。

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app



鍾意就快D Share啦!