掃呢頁CODE去手機

2018年8月27日 星期一

【五歲Jasper紅過阿爸】剪髮買鞋準備開學 應采兒服侍「吸金仔」(足本版) __,應采兒,

歡樂時光過得特別快,又係時候同暑假講ByeBye喇!就快開學,做阿媽嘅特別多嘢要準備,睇下呢日應采兒湊住Jasper忙足一個下晝,真係辛苦晒媽咪喇!上 ...




歡樂時光過得特別快,又係時候同暑假講ByeBye喇!就快開學,做阿媽嘅特別多嘢要準備,睇下呢日應采兒湊住Jasper 忙足一個下晝,真係辛苦晒媽咪喇!

上年參加真人騷《爸爸去哪兒5 》,小暖男Jasper 初次亮相,融化咗唔少網民嘅心!今年陳小春父子再度冧莊有份拍《爸爸去哪兒6》,有傳今次嘅酬勞係半億人仔,阿仔咁抵錫,做阿媽嘅梗係識做呢日應采兒湊住Jasper 先去玩具反斗城睇玩具。黎到小朋友嘅天堂,Jasper 梗係興奮,樣樣都搞,樣樣都想買。不過⋯⋯應釆兒就冇咁好氣喇,掛住篤電話。睇足個幾鐘玩具,應采兒再帶阿仔去附近嘅髮型屋剪頭髮,準備開學!

一放低個仔,應采兒爭取時間幫阿仔入貨。見佢急急腳行咗去Uniqlo ,幫Jasper 買咗幾件底衫同襪仔。另一邊廂,Jasper 冇媽咪睇住,自己都肯坐定定剪頭髮,好乖仔!半粒鐘後,應采兒折返salon 接返個仔。剪完個新髪型,Jasper 直情同爸爸餅印一樣,好cute 呀!兩母子之後會合埋婆婆去買波鞋,應采兒仲好有心機,踎低幫阿仔試鞋。最後一站,去買埋文具,應釆兒终於完成任務,拖住阿仔去上車返歸。

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!