掃呢頁CODE去手機

2018年8月22日 星期三

【暴雨來襲】鄭嘉穎man爆攞遮 一手攬實陳凱琳擋風雨 __,嘉穎,陳凱琳,凱琳,鄭嘉穎,

(攝影:沈健程)
暴雨警告信號依家係黃色,表示香港廣泛地區已錄得或預料會有每小時雨量超過30毫米的大雨,且雨勢可能持續。本來中環雨勢唔算大,但鄭生鄭太——鄭嘉穎同陳凱琳 ...


暴雨警告信號依家係黃色,表示香港廣泛地區已錄得或預料會有每小時雨量超過30毫米的大雨,且雨勢可能持續。本來中環雨勢唔算大,但鄭生鄭太——鄭嘉穎同陳凱琳兩公婆一到,就忽然變得好大雨。



今晚鄭生鄭太、鄭秀文、蔡卓妍同惠英紅等去中環Bvlgari旗艦店開幕,鄭嘉穎同陳凱琳仲係首次夫妻檔現身,黑白配儼如婚禮延續。兩人甫到場即落大雨,工作人員本來準備一人遮一個,但雨勢持續好大,結果鄭嘉穎同工作人員講:「不如你俾把遮我啦。」於是一手攬實太太,一手撐傘,man爆,亦都好sweet,但兩人仍難免一身濕晒。



影完相,鄭嘉穎亦十分緊張,幫太太抹乾身上雨水,以防著涼。受訪時陳凱琳話好開心可以一齊出活動,鄭嘉穎就話嚟緊應該仲有,但就貴精不貴多啦。至於酬勞,鄭太就答OK啦。係咪當家用?佢話:「家用我哋係一齊用0架。」但鄭嘉穎明明之前話賺到嘅所有錢都俾晒太太喎!此時嘉穎插咗句:「你哋多事」



鄭嘉穎解釋話:「因為太太唔識『當家』係乜嘢意思,咁我就同佢講,我以後負責俾錢,你負責管錢。」當一講到「太太」呢個Term嗰陣,兩公婆都忍唔住大笑,而且係咁嗌打冷顫。鄭嘉穎話:「佢係好知慳識儉,所以我好放心交盤數俾佢管。因為佢好精打細算,冇得頂。」100分?「如果可以俾超過100分,我都會俾。」



陳凱琳就話噚晚下廚蒸水蛋,但蒸過頭起泡泡,鄭嘉穎就好溫柔咁同太太講:「唔緊要,我幫你食晒佢。」今日佢就為太太解畫;「佢唔係成日煮,煮得多先會煮得好。今次如果我唔鼓勵佢,咁我以後就冇得食。希望佢可以從錯誤中學習啦。相信佢下次一定蒸得到。」



至於蜜月,兩公婆仲夾緊時間,地點已定。咁生BB呢?佢哋就話呢份係上天嘅禮物。對於老友杏兒早前踢爆你鍾意女喎,鄭嘉穎笑:「仔女都鍾意。如果第時生咗個仔,個仔會唔開心,所以都係公平少少。最緊要似媽咪。」陳凱琳一聽到,都好Sweet咁答:「似爹哋都好0架。」是否準備生兩個滿足老公心願?「冇得咁計嘅,睇下天父點俾啦。」但好開心知道老公仔女都鍾意,冇壓力。



(攝影:沈健程) 一手攬實太太,一手撐傘 一手攬實太太,一手撐傘
man爆,亦都好sweet

man爆,亦都好sweet
兩人仍難免一身濕晒

兩人仍難免一身濕晒
講到蜜月,兩公婆仲夾緊時間,地點已定

講到蜜月,兩公婆仲夾緊時間,地點已定
使唔使笑到咁甜先?

使唔使笑到咁甜先?
陳凱琳就話噚晚下廚蒸水蛋,但蒸過頭起泡泡

陳凱琳就話噚晚下廚蒸水蛋,但蒸過頭起泡泡

鍾意就快D Share啦!