2018年8月12日 星期日

【呢頭離婚嗰頭來港陪Niki】為38歲周麗淇 軍部演員傅程鵬甘做泊車仔(足本版) __,Niki,周麗淇,

2017年7月《壹》仔已經報導過,周麗淇同內地有米軍部演員傅程鵬過從甚密。當年6月,男方不單只嚟香港搵Niki食飯,之後仲一齊飛德國。回港時雖前後腳出 ...




2017年7月《壹》仔已經報導過,周麗淇同內地有米軍部演員傅程鵬過從甚密。當年6月,男方不單只嚟香港搵Niki食飯,之後仲一齊飛德國。回港時雖前後腳出閘,但就雙雙返女方樂陶苑香閨。

一年過去,Niki身邊嘅男伴依然係傅程鵬,事關《壹》仔近日又影到二人一齊現身,而且男方愛屋及烏,同行嘅仲有Niki父母添,佢哋咩關係大家心照啦。

今個月尾就39歲嘅周麗淇,喺2014年同傅程鵬合作拍攝劇集《卧底》而熟絡,據知二人當時為演好夫妻角色,就算各有男友、老婆,但都不避嫌經常傾電話、約見面增進默契,當時更有傳傅程鵬拍夜班戲時,會刻意買宵夜餵飽Niki,十分體貼。

2015年《卧底》首播,二人因宣傳頻頻見面,不久後Niki就向當時拍拖6年嘅男友徐正曦提出分手。無獨有偶,傅程鵬亦喺2017年3月宣佈同近廿年感情、育有一子嘅程愫離婚。離婚只係三個月,傅程鵬隨即就被《壹》仔影到現身銅鑼灣,準備同周麗淇撐枱腳。不過Niki好眼利,驚覺有人影相於是上咗棟大廈,直到離開時已經變成三人行,相信係call咗女友人嚟做掩護,而傅程鵬就墮後隔幾個身位扮唔識。扮唔識都啱嘅,離婚無耐就同緋聞對象密會,話離婚唔涉及第三者都無牙力啦。

另外,時間仲可以證明二人有長遠發展嘅打算,事關本月5號,《壹》仔再次獨家捕獲Niki、傅程鵬,先發現原來二人仲未game over,不過今次唔係二人世界拍拖,同行仲有女方家長。

《壹》仔見到佢哋嗰時已經喺餐廳食得七七八八,女家三人坐喺餐廳等埋外賣甜品,然後走出路邊等車。

至於外型睇落失色咗嘅傅程鵬,先行一步去附近沙灘食返支飯後煙,再化身泊車仔幫Niki攞車,最後交返架車俾女友揸,自己就做返乘客。

Niki、傅程鵬全程都冇親密舉動,但相處氛圍似足老夫老妻,對待老人家亦無客客氣氣、畢恭畢敬嘅陌生感覺,相信大家已經係「一家人」見慣見熟。

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

點擊看圖(Niki、傅程鵬由認識到拍拖):

二人喺2014年合作拍《卧底》而熟絡

2015年《卧底》首播,二人因宣傳頻頻見面。

2017年3月,傅程鵬宣佈同近廿年感情、育有一子嘅程愫離婚。

2017年6月,傅程鵬來港密會周麗淇。

發現有記者,更找來女友人掩護,男方則隔幾個身位離開扮唔識。

2018年8月,見到Niki與父母在餐廳內。

三人等完外賣甜品,到路邊等車。

傅程鵬先到沙灘食煙,再做泊車仔幫女友攞返架車。

Niki做司機,男友坐前排,父母入後座。

鍾意就快D Share啦!
Related Posts Plugin for WordPress, Blogger...