掃呢頁CODE去手機

2018年8月30日 星期四

【辣火頭?】麥明詩再出Post指陳曉華摘冠「唔公平」 __,陳曉華,麥明詩,

(IG圖片)
因為喺剛過去嘅港姐競選中,喺問題環節中夠膽話Do姐鄭裕玲「唔公平」,搞到當場俾Do姐反問:「咁你都選到喇,你仲想點啫,咁你都係香港小姐嚟㗎嘛!呀,真係 ...


因為喺剛過去嘅港姐競選中,喺問題環節中夠膽話Do姐鄭裕玲「唔公平」,搞到當場俾Do姐反問:「咁你都選到喇,你仲想點啫,咁你都係香港小姐嚟㗎嘛!呀,真係……點樣唔公平呀?」(相關新聞: https://bit.ly/2N04fMw )。



事隔兩日,身為港姐司儀之一嘅麥明詩,噚日又係IG度明踩暗讚陳曉華攞冠軍係「唔公平」。



麥明詩繼喺IG自嘲完自己做司儀經驗尚淺後,噚日佢又再出post,貼出一張與冠軍陳曉華嘅合照,寫住「17號佳麗陳曉華選到香港小姐冠軍就最唔公平喇,已經咁靚、咁高、腿咁長、仲要係一個有愛心嘅護士,已經擁有咁多嘢再加多個港姐冠軍實在是太不公平了!不過17號佳麗陳曉華憑著出眾的外貌、淡定的對答、空中瑜伽所展現的努力和力量,贏到港姐冠軍就最值得了!」



以為曲線讚人會冇事,點知就俾一班網民又攞番佢句「唔公平」嚟圍攻,紛紛留言喪插:

「別人說你那麼長得五官那麼扁樣,眼矇,崩牙cool極都是咁樣衰,又細粒又矮,咁樣衰都選到港姐冠軍,咁又公不公平呢,世界上沒有絕對的公平。」

「你都十優啦,公平咩?!」

「你個人都幾唔衰得,到今日都仲為咗自己講錯嘢不斷解釋,愈描愈黑都冇人怪你,你自己衰咗就認」

「仲喺係到死撐!」



有網民鬧爆,不過亦有心水清嘅網民明白麥明詩呢句「唔公平」只係節目效果。「其實大把人都俾Do姐寸過,好多人以為你只係照稿讀,節目效果。做藝人要有noise,出下新聞幾好吖。」、「主持有紅臉同白臉節目先有火花㗎,唔使介意喎!」、「有時係要有啲上把位下把位,寸來寸去有啲gimmick先好睇㗎嘛~呢鋪我撐你!」



最後當然又搞到一班「正負」雙方嘅網民引發罵戰



其實麥明詩下次寫明「#曲」咪冇事囉……



精選娛聞,喺晒《娛果》

http://fb.com/appledailyent



(IG圖片) 嗱,其實麥明詩都曲得都幾明顯。(IG圖片) 嗱,其實麥明詩都曲得都幾明顯。(IG圖片)
麥明詩當晚一句「唔公平」,俾Do姐喝爆咗。(電視截圖)

麥明詩當晚一句「唔公平」,俾Do姐喝爆咗。(電視截圖)
有網民話佢「唔公平」係搞是非(IG圖片)

有網民話佢「唔公平」係搞是非(IG圖片)
又有網民話佢唔識執生(IG圖片)

又有網民話佢唔識執生(IG圖片)
不過都有心水清嘅網民(IG圖片)

不過都有心水清嘅網民(IG圖片)
有人覺得只係搞氣氛,叫大家relax(IG圖片)

有人覺得只係搞氣氛,叫大家relax(IG圖片)
最後就搞到引發罵戰(IG圖片)

最後就搞到引發罵戰(IG圖片)

鍾意就快D Share啦!