網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年8月7日 星期二

自豪香港樂壇 向故友致敬阿倫阿Sam《光輝歲月》籲珍惜 __,阿Sa,譚詠麟,阿倫,許冠傑,Sam,蔡卓妍,

■阿倫(左)和阿Sam前晚開騷,二人寶刀未老,又唱又跳三個半小時。
■阿倫(左)和阿Sam前晚開騷,二人寶刀未老,又唱又跳三個半小時。譚詠麟(阿倫)和許冠傑(阿Sam)相隔一年再合作舉行演唱會,前晚在紅館為一連11場「 ...


譚詠麟(阿倫)和許冠傑(阿Sam)相隔一年再合作舉行演唱會,前晚在紅館為一連11場「阿Sam&阿Tam Happy Together演唱會Part II」揭開序幕。雖然67歲的阿倫和69歲的阿Sam加起來過一百歲,但寶刀未老,在台上又唱又跳玩足三個半小時,唱到超時要罰錢,二人又為香港樂壇感到自豪,唱出《光輝歲月》向故友致敬。

譚詠麟和許冠傑兩位加起來過百歲的殿堂級歌手,繼去年8月合作開騷,前晚再合體在紅館舉行一連11場演唱會,許冠文、狄波拉及丈夫鬍鬚Kong一齊去捧場。今次舞台雖然設計成四面台,但可算是史上最細,因為舞台四邊都有四排觀眾,完全可以跟觀眾打成一片。

演唱會上,阿倫及阿Sam唱了不少經典金曲,阿Sam指有首香港人的校歌個個都識唱,跟住現場就奏起阿倫其中一首名曲《愛在深秋》,阿Sam繼續說:「八、九十年代有好多歌手,佢哋嘅歌令到亞洲人認識,樂隊亦影響好多華人,我哋想藉住呢個機會向已故藝人致敬。」接着唱出羅文的《幾許風雨》,還有Beyond的《光輝歲月》。阿Sam又說:「我加入歌壇半個世紀,好珍惜同身邊呢個美男子一齊演出。」阿倫亦向阿Sam笠高帽:「其實喺台上同阿Sam唱歌,一直係我夢寐以求嘅事,練歌時我已開始珍惜呢個機會。」



■阿倫唱出經典金曲《愛在深秋》冧粉絲。 ■阿倫唱出經典金曲《愛在深秋》冧粉絲。
■阿Sam和舞蹈員共舞,十分風騷。

■阿Sam和舞蹈員共舞,十分風騷。
■大螢幕播出黃家駒的片段,阿倫和阿Sam隨即唱出《光輝歲月》致敬。

■大螢幕播出黃家駒的片段,阿倫和阿Sam隨即唱出《光輝歲月》致敬。

握手錫錫粉絲

隨後,阿倫又說自己都在屋邨長大,跟不少香港人一樣,見證香港由一個寂寂無聞的漁港,奮鬥成為一個國際知名的大都會,阿Sam說:「希望大家可以珍惜呢個福地、珍惜眼前人,為香港各行各業繼續不屈不撓嘅精神,happy together。」

二人全晚在台上落力搞笑,阿倫笑謂:「上年我哋開騷遇流感,衞生署叫我哋唔好有咁親密嘅接觸,今年未公佈前我哋有乜可以做?」阿Sam即謂:「梗係同大家攬攬錫錫,嚟個全接觸」之後二人走到觀眾席跟大家握手,其間阿Sam更真的跟粉絲咀嘴。



■阿倫和Sam走近台邊和觀眾握手,掀起高潮。

■阿倫和Sam走近台邊和觀眾握手,掀起高潮。
■阿倫表示和阿Sam同台唱歌,一直是他夢寐以求的事。

■阿倫表示和阿Sam同台唱歌,一直是他夢寐以求的事。

超時演出罰錢

前晚阿Sam的兩位兒子許懷欣和許懷谷亦有上台演出,三父子合唱後,阿倫再加入jam歌,阿倫還笑懷欣中文好了很多,爆料指上次字幕機是拼音,今次是中文字,許懷欣表示有努力記歌詞,阿Sam則幫兒子窒阿倫:「歌詞係播畀你睇,為你而設。」演唱會前晚唱至11時47分才結束,因為超時,最終要罰錢。

完騷後阿倫及阿Sam接受訪問,對於有指曾志偉與無綫不和,阿倫笑說:「佢𠵱家有個好大嘅project,今晚叫咗佢都冇嚟,我知道佢另起爐灶,最近識咗個嚟自印度嘅油王,佢仲想走出國際,嚟緊會搞一個國際泥漿摔角騷,侵侵同金仔都會參加泥漿摔角。」問他可會做和事老?阿倫說:「邊有嘢,係咪港姐想搞吓氣氛?」

採訪:馬建華

攝影:仇志德




鍾意就快D Share啦!