2018年8月3日 星期五

傳志偉太寸嘴得罪大台高層 今年港姐冇得撈 __,大台,曾志偉,志偉,港姐,TVB,

昨日有報道指曾志偉被無綫封殺,死因係倒戈,及一言一行都與無綫對着幹。事實上,志偉喺六叔(邵逸夫)六嬸(方逸華)年代一向都好賣命,每年都做港姐、台慶等大 ...


昨日有報道指曾志偉被無綫封殺,死因係倒戈,及一言一行都與無綫對着幹。

事實上,志偉喺六叔(邵逸夫)六嬸(方逸華)年代一向都好賣命,每年都做港姐、台慶等大騷司儀,志偉更加係收視福將,《獎門人》系列一度成為無綫icon。但所謂愛之深,責之切,無綫易手後轉變越來越大,唔少節目縮皮製作,又不斷有裁員潮。

昨日《蘋果》再收到讀者爆料,指無綫每個部門都要裁減10%人手,娛樂新聞台約80人要裁5人,on air service約20人要裁2人,日內會派信。

一直有傳曾志偉同無綫綜藝組揸fit人余詠珊不和,近年余詠珊負責嘅港姐被指每況愈下,志偉不止一次寸爆港姐騷。好似去年就因為由現場(Live)變錄影,志偉喺錄影期間爆seed話﹕「X你老味!港姐係Live,點解要錄影呀?」事後志偉以四個字形容:「慘不忍睹!」

到今年港姐,疑為縮皮,到世界各地拍外景嘅傳統都冇埋,變咗去西貢,志偉噚日出席活動時又抵唔到頸話﹕「香港呀?乜離將軍澳咁遠呀?」加上志偉早前為ViuTV嘅《Good Night Show全民睇波派對》做嘉賓,並以明星足球隊名義,同阿倫等人去俄羅斯欣賞世界盃冠軍戰,明落無綫面。種種因素下,搞到無綫高層下令要封殺志偉,連今年港姐司儀都一定冇得撈。

《蘋果》亦有聯絡志偉,但暫未有回覆。




鍾意就快D Share啦!
Related Posts Plugin for WordPress, Blogger...