掃呢頁CODE去手機

2018年8月30日 星期四

【藝員轉行做骨妹】大台前藝員變治療師 陳凱怡:幫人按摩減壓放鬆(足本版) __,大台,陳凱怡,TVB,

2000年的落選港姐陳凱怡(及後改名陳思齊),在TVB發展十二年,專做「妹妹仔」角色,12年轉投港視,15年便淡出幕前。這三年原來她進修音樂治療及香薰 ...




2000年的落選港姐陳凱怡(及後改名陳思齊),在TVB發展十二年,專做「妹妹仔」角色,12年轉投港視,15年便淡出幕前。這三年原來她進修音樂治療及香薰按摩,更當上身心靈治療師。

靠雙手替客人身上按舒緩痛症,她也不介意向朋友客人以「骨妹」稱呼自己職業。「平時同人講都係骨妹,幫人按摩,減壓放鬆為主。我本身去學按摩先嘅,因為阿媽有五十肩,想幫阿媽按,跟住周圍搵有關課程去讀,慢慢逐樣逐樣去學。依家我嘅治療療程係結集咗催眠,音樂治療,香薰。」

客人到來見到她,通常是甚麼反應?「其實佢哋嚟到好少會即刻發現呢件事,不過嚟兩三次之後就會諗起,同埋我自己唔會提,因為從來唔覺得演員係一件值得需要提醒人地嘅事,因為在我嚟講,演員只係一份工作,同揸巴士或者賣衫無分別,我唔會覺得演員係高人一等,或者好需要被矚目嘅一件事。」陳凱怡說。

她說對比昔日扮得靚靚,走出來對住鏡頭笑下,就輕易賺錢,今日靠雙手搵食的這份工,無疑有血有汗得多。雖然甚麼都落手落腳做,連倒垃圾都自己來,不過她從幫到客人透過治療舒緩痛症同情緒,每個都笑著離開她的治療室,那份滿令她說尋回自己的價值,呢份工比昔日當演員來得開心。不過這一門生意,真的可以維生嗎?「雖然而家有鋪頭,但一日只會做兩個case,唔會太辛苦,因為我想重質多過重量,同埋我只做女賓。依家我啲細妹都出晒身,變咗家庭負擔細咗,我唔需要獨力撐住頭家,搵錢多少唔會太大影響。」

待在TVB十二年,最終選擇離開的原因,就是不能再靠個樣搵食。「離開大台嘅原因,其實嗰時有啲尷尬,當時無乜妹妹仔演員,所以啲細妹及可愛女孩嘅角色差唔多俾我做晒,但隨住我年紀嘅增長,智慧又無乜點增長嘅時候,佢哋又覺得我啲戲路好似擔唔到旗,但個樣又唔再𡃁妹,唔上唔落咁點算呢?佢哋其實有搵過我扮師奶,我亦都唔介意,因為古裝其實可以嘛,但試咗大家點睇都覺得唔舒服、唔似,變相嗰段時間公司都無乜角色適合我做,放假時間又真係比較多,開始無乜安全感。

嗰段時間我覺得係咪要諗吓自己要做啲乜嘢?覺得繼續拍戲又唔係,唔拍又唔係。剛巧認識一班新朋友,佢哋都鼓勵我跳出去試試做治療呢行。不過唔知去邊度搵客人幫襯你,好好彩,我完全無賣過廣告,亦無做過宣傳,真係托賴啲朋友信我嘅時候,一個介紹一個咁樣嚟搵我。」

立即下載Apps,隨時隨地睇盡時政專題、深度偵查、娛樂熱話!按此連結:http://bit.ly/next28app

點擊圖片

消失幕前三年嘅陳思齊


鍾意就快D Share啦!