【ViuTV《全民造星》】保錡被指係少年八両金感忐忑 陳潔靈：真係好似 __,八両金,陳潔靈,ViuTV,Viu,

ViuTV個《全民造星》成功造成話題，當中更有唔少「諧星」出現，最近亦有位「少年八両金」（保錡）彈起。不過，佢表示唔鍾意俾人話似八両金，隨即又惹嚟批評 ...

ViuTV個《全民造星》成功造成話題，當中更有唔少「諧星」出現，最近亦有位「少年八両金」（保錡）彈起。不過，佢表示唔鍾意俾人話似八両金，隨即又惹嚟批評：「乜八両金好差咩？佢仲好過你呀！」

保錡話：「太多人話我係少年八両金呢，好得忐忑呀個人！你明唔明？每日都有人send俾我搞到好忐忑。真係架，搞到昨晚真係瞓唔到。點解啲朋友要咁樣笑我呢？其實我係一個表演者嚟。」

心靈脆弱好難喺呢行立足，除非實力好扎實。至於佢表現得好唔好？睇完片之後，只能說見仁見智啦。不過，台下啲評判始終忍唔住話：「好似八両金呀！八両金個仔！」呢個唔係個別睇法，好多網民都同意架：「好亂，係咪八両金個仔嚟架？」「根本係個樣似，唔關髮型事。」

與其唔鍾意搞到自己失眠，不如接受現實，或者會搵到條意想不到嘅出路，正如網民話齋：「喺製造諧星方面，呢節目好成功。」

立即下載Apps，隨時隨地睇盡時政專題、深度偵查、娛樂熱話！

按此連結：http://bit.ly/next28app

• 【追殺到印尼】「香港人勁揪」橫額被河蟹 印尼亞運捱批：紅線任劃（足本版）
  
  



+5



來源 source: http://nextplus.nextmedia.com

鍾意就快D Share啦！

下一篇 》