2018年8月6日 星期一

甜蜜傳情VS舊人冇得留低?戀情曝光嘅藝人IG異樣逐格睇! __,

Feature
甜蜜傳情VS舊人冇得留低?戀情曝光嘅藝人IG異樣逐格睇!依家唔少明星都鍾意用Instagram分享吓日常生活靚相,好似可以拉近同粉絲之間嘅距離啊嘛!但 ...


甜蜜傳情VS舊人冇得留低?戀情曝光嘅藝人IG異樣逐格睇!



依家唔少明星都鍾意用Instagram分享吓日常生活靚相,好似可以拉近同粉絲之間嘅距離啊嘛!但係藝人IG分享得愈多嘢,就愈容易透露到感情上嘅蛛絲馬跡喇~小編就發現幾位藝人戀情曝光之後,佢哋嘅IG都有啲非一般嘅動靜,究竟係為咗眼不見為淨、索性大清洗劃清界線,定係為咗繼續高調傳情呢?依家就嚟睇吓胡定欣、鄧麗欣、同蔡思貝嘅IG最近有咩異樣

來源:對白CAP圖王| 圖片:Instagram、節目截圖、新傳媒資料庫





1. 胡定欣Unfollow陳展鵬 劃清界線?!

胡定欣同陳展鵬(煎pang)兩年前拍攝大台劇《城寨英雄》傳出緋聞,在公在私都經常出雙入對,呢對「金童玉女」以前成日一齊接job出活動,唔少觀眾都幻想佢哋真係拍緊拖,呢對螢幕情侶嘅風頭簡直係一時無兩!不過喺陳展鵬同真・女友單文柔公開戀情後,胡陳緋聞自然就不了了之,而近期胡定欣亦傳搭上新晉小生張振朗。

胡定欣同陳展鵬除《城寨英雄》外,之後喺《同盟》亦再結片緣。


Bye bye煎Pang!Follow張振朗

最近有網絡神探發現,胡定欣嘅IG竟然已經unfollow咗煎pang,而煎pang亦都唔見有follow定欣喎!唔通胡定欣嬲咗煎pang公開戀情?定係為咗舖路同張振朗明正言順咁發展呢?

胡定欣嘅IG再唔見有Follow陳展鵬(IG: rucochan) !
藝人IG

但就有Follow緊張振朗啦~


定欣同煎Pang喺早年《城寨英雄》入面,飾演拳佬同刁蘭呢對情侶檔真係好得觀眾喜愛!



 《城寨英雄》喺2016年萬千星輝頒獎典禮獲得「最佳劇集」,胡定欣同煎pang仲一齊奪得「最佳女主角」同「最佳男主角」,當時個畫面真係好sweet!

呢一吻都係經典場面!



胡定欣與陳展鵬合唱電視劇《城寨英雄》嘅主題曲《從未知道你最好》係當年嘅最受歡迎劇集歌曲!

仲喺2016年度勁歌金曲頒獎典禮度攞埋勁歌金曲獎!




而胡定欣以前都成日都會喺IG貼下同煎pang嘅劇照⋯⋯點知依家連IG都Unfollow埋⋯⋯

 





自從煎Pang同單文柔撻著後,煎Pang就開始「被失蹤」⋯⋯



之前陳展鵬上《美女廚房》亦大方同單文柔一齊接受訪問,睇嚟感情都好穩定。



餵哂嘢食咁,仲親自品嘗「美女學徒」單文柔親自煮嘅炸蝦~





二人公然打情罵俏,想閃死人咩!


做唔成真情侶,仲要互相unfollow,睇嚟佢哋連「螢幕情侶」都做唔成了。另一邊廂,胡定欣與張振朗被傳因合作拍新劇《包青天再起風雲》擦出火花,發展相差6歲的姊弟戀。





睇吓IG嘅動態,可以發現張振朗已經融入胡定欣嘅朋友圈子喇!早前豹哥(單立文)開騷,豹嫂(胡蓓蔚)夫唱婦隨,成班「胡說八道」姊妹加「Crazy Runner」成員拉隊捧場,張振朗亦埋堆一齊影合照,為免露出愛的蛛絲馬跡,他與胡定欣企到離行離列,不過合照曝光後,張振朗的出現已令外界起疑心。
胡定欣



能夠得到視后歡心,張振朗當然有其過人之處,飾演「展昭」的他為氹胡定欣,不時主動撩玩自拍,仲喺IG上傳,而胡定欣亦玩得好開心,好受落。

胡定欣



今年4月張振朗與拍拖多年嘅陳芷尤喺同一時間、Post同一個景點嘅相、講同一段說話,分別在個人IG公布分手消息,仲煞有介事強調分手不涉及第三者。

拍拖多年共賦同居,張振朗一直收收埋埋與陳芷尤的情侶關係絕少放閃,可惜呢段情始終敵不過男方緋聞纏身。


去年5月,張振朗與陳芷尤歐洲浪漫遊法國、荷蘭,當日愛的印記拍下的照片,今年4月則被用來作分手公告,亦是張振朗唯一一次承認陳芷尤的女友身份,二人連分手都夾定出po,仲煞有介事強調不涉及第三者。



2. 鄧麗欣開腔回應IG朋友大清洗

鄧麗欣(Stephy)自從上個月公開同棒棒堂成員邱勝翊(王子)嘅姊弟戀之後,口講就話想低調處理戀情,不過口裡說不,行動卻很誠實,不時喺網上放閃,又互相留言隔空傳情!



愛得轟烈嘅Stephy,最近更加轟烈地喺自己嘅IG進行大清洗,一口氣刪除所有follow開嘅account,剩返3個有得留低,分別係自己嘅歌迷會、慈善機構「點滴是生命」,同埋最最最重要嘅——王子!

Stephy經常喺IG分享同朋友聚會嘅合照,不過所謂「有異性,冇人性」,家陣戀愛大過天,朋友們全部冇得留低!

IG大清洗之後,Stephy見到大家嘅反應其實都有出Post回應,表示自己唔係IG冇朋友就真係冇哂朋友咁話。但其實都係冇解釋到點解會有是次大清洗喎!


除咗男友王子、歌迷會,慈善機構「點滴是生命」都有幸俾Stephy follow,典解嘅?Friend底囉!Stephy成日都參與佢哋活動,仲有幫手做義工,戀愛大過天都不忘做善事,抵讚!



清洗之餘不忘放閃!

早前,鄧麗欣於個人社交網分享一張攝於紐約嘅街景相,唔好以為係張平平無奇嘅相,其實仔細睇之下就會發現成張相嘅重點原來喺條街名度!皆因Stephy所影嘅除咗係大廈外,仲有街道名「Prince St」,唔通Stephy睹名思人?

Stephy更留言指:「天大地大 人來人往 彼此 走上了同一條道路上 不早不晚 不慌不忙 就在我抬頭的一剎那。」似乎係想暗示自己喺對的時間遇到對的人!



男友王子秒速回應

不過,另一重點係王子喺Stephy po相後,瞬間已經秒速like咗個post,仲留言話:「C W L」有網友睇到都即刻話二人太閃!



但見到王子留言嘅「C W L」,唔少網友紛紛留言求「C W L」嘅意思,有網友就話:「網絡上寫說是在說自己的名字。」眾說紛紜,小編都好想知係點解呀!



3. 蔡思貝、余德丞繼續喺IG高調傳情

最近,蔡思貝被指與「港姐殺手」之稱的余德丞擦出愛火,皆因她於個人社交網上載多張與余德丞的合照,並留言:「With the right person,(POO) in life become tastier, sometimes even enjoyable」意指與對的人一起,生活就會變得更好,甚至會更愉快,未知係咪想借機暗示與余德丞撻著咗呢?

另外,蔡思貝除咗留言外,仲Hashtag話finding the one、blessed、for real等字出現,令傳言更顯得撲朔迷離!令唔少人都覺得蔡思貝講緊嘅係當時企喺佢身邊嘅余德丞!



之前,余德丞同蔡思貝一齊主持旅遊節目《緬甸奇幻旅程》,二人合作主持節目的確為唔少觀眾帶來新鮮感。二人更被因拍節目而擦出愛火花,緋聞報道出街之後,兩人繼續懶理,依然大膽隔空示愛!



有次蔡思貝分享佢同余德丞一齊喺緬甸搭船嘅相,二人除咗做出電影《鐵達尼號》中男女主角嘅招牌動作外,仲留言:「幸運同幸福只有一步之距」唔知蔡思貝搵到帶俾自己幸福嘅另一半未呢?



據知,拍攝節目期間,二人曾一齊被困緬甸山頭長達9個鐘。拍完節目之後,仲係咁傳出緋聞添!

余德丞仲叫蔡思貝做「太陽」添!


仲問觀眾想睇佢哋兩個下次去邊玩喎!即係想再孖住去旅行

鍾意就快D Share啦!
Related Posts Plugin for WordPress, Blogger...