黃之鋒上庭後，喺社交網站發貼稱懷念台灣(右圖)。
香港眾志秘書長黃之鋒近年官司纏身，被法庭扣留護照禁制出境。冇得去遊埠當然就會心思思喇，黃今早(8日)上庭應訊後，就去食台灣菜「頂癮」，仲喺社交網站發貼「很久沒有去過台灣，聽到員工說國語的腔調，也是有些懷念。」到底佢係懷念當地食物定係想去搵「盟友」密斟呢？
黃今次去嘅台式餐廳都幾有名氣，唔少人都大讚夠「台灣味」，而佢更講到唔係第一次去食。佢憶述5年前「學民思潮」喺餐廳附近租單位做總部，當時附近無乜嘢好食，幸好有呢間餐廳進駐，可以成日去買外賣喎。
翻查資料，黃之鋒舊年有段時間係「自由身」，幾度飛去台灣，其中一次就係出席主張台獨嘅時代力量立委黃國昌牽頭成立「台灣國會關注香港民主連線」嘅茶會。另外，早喺前年黃已經頻現身台灣，包括出席過時代力量舉辦嘅論壇等。
來源 source: http://hk.on.cc
|
鍾意就快D Share啦！
|
|
|
