喺《延禧攻略》入面，愈做愈奸嘅佘詩曼，俾網民力讚連手指都有戲，拼落一班內地演員，阿佘一樣出到位！上星期內地播出《延禧》大結局，點擊率直達133 億！ 呢股《延禧》熱潮，順利帶挈嫻妃娘娘身價暴漲。
「而家都好開心嘅，而家都好多工作做嘅！最緊要係有一個好好玩嘅角色，同埋受歡迎嘅角色，都係好開心嘅一件事。」阿佘說。梗係開心食住《延禧》個勢，阿佘呢排頻頻接job ，唔少品牌都爭住搵嫻妃娘娘出席活動，所以呢排見親佢都四萬咁囗。有市就自然有價啦!阿佘最update 嘅廣告價⋯⋯係要1000 萬呀!普通商演就100 萬起跳，演出20分鐘。
咪住先，唔係你出得起錢，就請得郁嫻妃娘娘喎！都要睇下就唔就到娘娘期先得架！以娘娘而家嘅人氣，真係唔憂做架！
話時話，其實阿佘上年都唔一口答應接呢套劇。因為早幾年阿佘試過頸椎移位，因為拍《使徒行者》搞到舊患復發，原本打算休養一段長時間。加上今次喺《延禧》入面，阿佘唔係坐正，兼要做奸角，所以做慣女一嘅阿佘原本打算推劇。好彩最後監制于正夠誠意，先打動到阿佘咋！
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|