2018年9月28日 星期五

農夫18年兄弟情 C君「輕口味鹹書」贈陸永 __,C君,農夫,陸永權,鄭詩君,

農夫成軍18年,C君說最初當農夫是興趣小組,沒想過可以此為生。
農夫成軍18年,C君說最初當農夫是興趣小組,沒想過可以此為生。陸永和C君近年越來越入屋,其實他們的組合「農夫」已入行18年,二人相識更超過20載。日前 ...


陸永和C君近年越來越入屋,其實他們的組合「農夫」已入行18年,二人相識更超過20載。日前他們接受《蘋果》專訪,C君大爆自己的那些年並非諗計追女仔,而是一夠18歲就買鹹書送給陸永,而陸永更抵死地說當年因為沒朋友,才跟低兩班的Form 1仔C君為伍,二人搞笑的合拍度果然爆燈!

撰文︰羅婉玲

攝影︰仇志德

陸永與C君於00年組成農夫加入樂壇,但二人直言大眾認識他們是始於07年與麥玲玲合唱《風生水起》,陸永說︰「做咗18年,仲有人以為我哋係新人,唔知我哋係唱歌出身,都唔出奇。」C君表示︰「完全冇諗過係有可能(做到18年),我哋只係興趣小組,冇諗過用嚟搵食。」



陸永(右)和C君中學已認識,兄弟情一眨眼便超過20年。 陸永(右)和C君中學已認識,兄弟情一眨眼便超過20年。

冇朋友先一齊

農夫將於今年11月開六場演唱會,並以「18歲生日快樂」為主題,C君搞笑地說︰「我哋過到18年,大家見證住奇蹟,演唱會始終係個騷,度咗個小驚喜,我哋生日送份禮物畀你哋,你哋夾錢嚟賀我哋,好合理吖!」

其實陸永跟C君是中學師兄弟,兩人同讀鄧鏡波書院,只是陸永比C君高兩個年級,為何可以走在一起?陸永搞笑地說︰「我可能冇friend,搞到要同中一嘅玩,幾醜。」至於二人是否校內風頭躉或校草?陸永即提高音量並指着C君說︰「你問嚟奚落我哋,我都話有可能吖,你睇吓佢!」C君亦不甘示弱,大爆陸永中學時代瘀事︰「好恐怖,佢個頭前面有兩條頭髮跌落嚟,好似曱甴鬚咁。」



18歲夾錢送禮

談起那些年一踏入18歲有甚麼事即刻想做,C君坦白地說︰「我好記得我夠18歲,同你(指陸永)啲朋友一齊去旺角,買正版鹹濕漫畫送畀你生日,嗰時好巴閉,正版喎!我仲記得個老闆分析番,邊啲係粗線條,邊啲係重口味,講到係藝術咁。」陸永似乎不太有印象,但他轉數甚快,即時回敬對方︰「好彩你係揀輕口味同幼線條。」豈料C君加多兩錢肉緊取笑他︰「我哋夾錢買畀你,點解會買?因為你鍾意睇。」此刻陸永只好說︰「咁送呢啲嘢,冇人會抗拒嘅。」

二人兄弟情超過20年,問他們有何說話想跟對方說?兩人繼續發揮搞笑本色,C君語帶雙關地說︰「佢好高,志氣好高;佢好粗,佢份人粗中好幼細;有時又遠,佢有遠視。」陸永接着說︰「好短,短命呀!祝大家過到今年。」這一對活寶貝為了搞笑,認真百無禁忌!



農夫和麥玲玲07年合唱的《風生水起》,令農夫成功入屋。資料圖片

農夫和麥玲玲07年合唱的《風生水起》,令農夫成功入屋。資料圖片

兩遇玲貴人

在農夫的演藝生涯中,有兩位「玲」貴人。第一位是麥玲玲,她與農夫在07年合唱《風生水起》唱到街知巷聞,更令農夫在 《叱咤》頒獎禮首奪「組合金獎」及「我最喜愛的組合」兩個大獎。

陸永09年開三場棟篤笑,C君同年亦推出散文集《大C想家》,兩人後來慢慢轉型做司儀並加入無綫拍劇,代表作要數與鄭裕玲主持的《Do姐有問題》及《Do姐去Shopping》,笑破觀眾肚皮。



化妝︰Manyee Lau

髮型︰Renton hung@La Chioma

場地提供︰PartyMad




鍾意就快D Share啦!
Related Posts Plugin for WordPress, Blogger...