掃呢頁CODE去手機

2018年9月19日 星期三

朱璇:前華姐冠軍朱璇歐洲秘嫁「甄子丹2.0」 __,子丹,朱璇,華姐,甄子丹,

朱璇嫁人喇!31歲前中華小姐冠軍朱璇喺2015年同無綫結束七年賓主關係,其後轉戰內地發展。曾揚言40歲先結婚嘅佢,原來已經喺歐洲秘婚,脫離單身貴族!尋 ...


朱璇嫁人喇!


31歲前中華小姐冠軍朱璇喺2015年同無綫結束七年賓主關係,其後轉戰內地發展。曾揚言40歲先結婚嘅佢,原來已經喺歐洲秘婚,脫離單身貴族!尋晚有網友上載咗朱璇婚禮嘅相,相中新娘換上兩套白色婚紗,大騷婀娜身段。見到朱璇拖住老公嘅笑容,已經感受到嗰份幸福,認真恩愛!有指朱璇嘅老公係內地富二代,二人喺歐洲舉行婚禮,只係邀請咗雙方親友出席,非常低調。一班粉絲知道消息後紛紛表示心碎,亦有網友話佢老公有少少似甄子丹,大讚郎才女貌,並送上祝福!

而朱璇入行後,曾與「俠女」徐楓兒子、身家豐厚的湯臣集團富二代湯珈鋮傳緋聞,雖然女方例牌否認戀情,但不時被拍得出雙入對。此外,她亦曾與陳法拉前夫薛世恒傳緋聞。

對於朱璇低調嫁人,其藝人好友湯洛雯回覆東網說:「係咪真?我淨係知佢去咗法國,冇聯絡好耐,佢搵到幸福,我都戥佢開心。」

前香港小姐冠軍張嘉兒與當年與朱璇一齊參加2008年國際中華小姐競選。對於朱璇出嫁,張嘉兒接受訪問時送上祝福說:「知道佢結婚,雖然近年好少聯絡,但係我哋係同一屆參加華姐,佢畀我印象係一個好活潑、好開心、好靚嘅女仔。戥佢開心,結婚搵到自己嘅幸福,希望佢老公好錫佢,同埋梗係要連生貴子啦。」

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!