2018年9月3日 星期一

落選港姐變大台性感小花!34C阮兒曾加入「短壽女團」… __,TVB,大台,港姐,阮兒,

阮兒
落選港姐變大台性感小花!34C阮兒曾加入「短壽女團」…有無綫新咪神之稱的阮兒(Chloe),近年劇接劇,先後拍過包括《使徒行者》、《殭》、《火線下的江 ...


落選港姐變大台性感小花!34C阮兒曾加入「短壽女團」…



有無綫新咪神之稱的阮兒(Chloe),近年劇接劇,先後拍過包括《使徒行者》、《殭》、《火線下的江湖大佬》、《城寨英雄》、《幕後玩家》及《BB來了》等,不過數數手指原來佢都入行12年,當年06年選港姐落選後,之後更曾組成五人女團,只可惜未出碟就解散,無緣一展歌藝,估唔到多年後嘅今日會成為大台性感小花,仲同衛志豪傳緋聞!

撰文:東方新地 圖片:新傳媒圖片、Instagram





阮兒  成功入屋劇接劇

至於06年落選港姐阮兒係中越混血兒,自幼隨家人往荷蘭定居,所以有鬼妹仔性格,同屆三甲陳陳茵媺、周家蔚、呂慧儀紛紛嫁埋上埋岸,唯獨阮兒浮沉12年,曾同當時同樣冇乜名氣的楊明拍過拖,直至14年參演《愛.回家》做羅天宇老婆才開始入屋。

近兩年,她在大台演出機會不斷,包括:《使徒行者》、《名門暗戰》、《殭》、《火線下的江湖大佬》、《一屋老友記》、《城寨英雄》、《幕後玩家》及《BB來了》等。

阮兒
06年港姐落選阮兒,加入第21期無綫藝員訓練班入行。


童年跟隨家人移民荷蘭,家底豐厚的阮兒14年重回無綫後,即為方便入住電視城附近熱門新盤峻瀅。



阮兒最出名係不吝嗇34.5C好身材,成為無綫新咪神,不時在IG晒水著照。







A post shared by (@yuenyeechloe) on







A post shared by (@yuenyeechloe) on





早年和母親到新加坡旅遊的Chloe,將水着照放到社交網上,被網民激讚身材正!



同屆女星已做人妻

06年港姐選美中,除Chloe(前排左一)還有陳茵媺(冠軍及國際親善小姐)、周家蔚(亞軍及最上鏡小姐)、呂慧儀(季軍)和徐淑敏(旅遊大使),她們都已為人妻和人母了。



曾組五人女團

不過唔講唔知,喺2010年Chloe(圖左一)曾和四女組成跳唱組合Lacee Lacey,可惜尚未出碟便解散,令她12年暫退娛樂圈。



徐榮新抱

大家對Chloe在處境喜劇《愛.回家》中演高秀蘋一角也不會感陌生,對此Chloe說:「呢套劇令我好有滿足感同過足戲癮,由原來冇人知我叫咩名,到出到街個個都叫我喺劇中英文名Pinky,真係好開心。」



Chloe經五次casting,面見九位編審,和劇中老公羅天宇對戲才獲《愛.回家》的高秀蘋一角,「起初有網民唔like我,連導演都鬧我,但到寫我走啲網民就鬧爆無綫,到寫我返去個PA同我講今日收視最高係你,多得編審寫到個咁好嘅角色。」

當中她更感激劉丹、林漪娸、郭少芸、黎諾懿和徐榮等的教導和幫忙,「佢哋教我嘅,對我日後拍劇好有幫助,而且嗰段時間大家都相處得好開心。」此外,她亦承認因劇集帶挈多了接job機會,Instagram人數由幾千增至現在兩萬多人,可見她成功入屋,連公司也器重她而劇接劇。



《幕後玩家》拍得最癲

在《一》劇中演胡定欣媽咪後生版的Chloe說:「雖然只客串六場戲,但每場戲造型都唔同,其中一場俾演我爸爸嘅修哥(胡楓)摑一巴,仲要堅摑,好彩一take就ok。」在未播映劇集《城寨英雄》和《幕後玩家》Chloe也佔較重戲份,她說:「喺《城》劇中我會同陳芷尤、張名雅、周麗欣飾演四朵金花,大晒姊妹情深。」而《幕》劇更是前所未有咁好玩,「好正,係我入行以來拍得最癲一部劇集,張繼聰和黃宗澤都當正我哋好似兄弟姊妹,完全冇架子,有時去阿聰屋企BBQ,又會到Bosco間蠔Bar飲飲食食,一個月切蛋糕都切幾十個,個個收到通告都好開心,甚至唔捨得收工。」



Chloe在劇集《殭》中的金髮造型,甚為突出。



拍劇獲劉松仁提點

Chloe最想演一些較特別、令人難忘的角色,問到會否介意性感演出?她曾說:「其實我最想係可以拍旅遊節目,就算要着三點式都可以,而攞親獎嘅電影都好似一定有裸露,若果日後真係俾我遇到部好電影、好導演,我都可以豁出去,去到好盡!」而和劉松仁跟隨同一個唱歌老師學唱歌的Chloe更說:「希望嚟緊可以同松哥有更多合作機會同交流,皆因佢提點過我好多,我拍《愛.回家》時佢俾咗我好多實質建議。」





阮兒出海大晒噴血泳衣

31歲的阮兒(Chloe)著起泳衣出海降降暑氣!從她上載的相中可見,擁有34C火辣身材的Chloe今次著起火紅色單膊一件頭泳衣,加上一面非常享受晒太陽的樣子,真係令氣溫再度升多幾度!





A post shared by (@yuenyeechloe) on







A post shared by (@yuenyeechloe) on



就連龔嘉欣見到啲相都亂入,大讚Chloe:「好索!」



原來今次Chloe係孖住好友出海,而且二人同樣著住一件頭,一紅一藍襯到絕咁大哂美腿,認真養眼!



Chloe仲留言:「If you’re alone I’ll be your shadow.If you want to cry, I’ll be your shoulder.If you’re not happy, I’ll be your smile. If you need me, I’ll always be there for you. 」雖然有緋聞男友衛志豪,但都依然好重視朋友,絕對唔係「有異性,冇人性!」



其實Chloe平日都經常晒靚相,又露腰又哂腿咁,真係幾性感!





A post shared by (@yuenyeechloe) on







A post shared by (@yuenyeechloe) on







A post shared by (@yuenyeechloe) on



阮兒自爆「他的角度」

早前,Chloe更於個人社交網上載分享喺池邊拍攝嘅泳衣照,大擺誘人pose,索爆身材表露無遺,性感之餘,仲要仲加多句曖昧嘅「他的角度」,究竟係邊個他嘅角度?





A post shared by (@yuenyeechloe) on







A post shared by (@yuenyeechloe) on







A post shared by (@yuenyeechloe) on



衛志豪 拍《同盟》撻着 阮兒

一個係有線過檔娛樂主持、一個係06年落選港姐,本來大纜都扯唔埋。一套《同盟》,衛志豪遇上年紀差一大截的中、越混血兒阮兒,據知情人士透露,雖然對手戲不算多、本來亦各自有圈外另一半,不過衛志豪立即對身材火爆、個性亦主動的阮兒另眼相看,而阮兒亦抵不過衛志豪一貫口甜舌滑細心體貼,火速撻著。

43歲衛志豪同李珊珊緋聞傳足多年,曾自爆有拍拖多年女友,終於換上新女,同無綫新咪神阮兒暗撻。


知情者爆:「嗰時佢哋各自有男女朋友, 阮兒仲講到想嫁,點知愈玩愈埋,當自己另一半冇到,無耐就行埋咗一齊,呢段複雜關係維持咗一段時間。」



阿倫 洩親密關係

據知直至今年初,衛志豪和阮兒才各自向另一半提出分手,不過二人仍然密冚戀情,在電視城及同事間都成秘密。衛志豪只敢帶阮兒出席明星足球隊長輩級成員聚會,當見家長。

大棚人睇夜波中場休息時,校長突然舉機玩大合照,阮兒條件反射舉V遮面,不過兩位連體嬰一樣黐實坐姿已經出賣親密關係。


本來阮兒事業剛起步、衛志豪亦剛剛加入戲劇組,二人有默契低調處理,奈何以阿倫為主明星足球隊成員及晨曦班主周文曦一班老友當正阮兒「弟婦」,不慎洩露「家庭照」,令二人親密關係通晒天。

17年2月,校長老友兼晨曦班主周文曦生日,一班波友攜眷上門慶祝,阮兒首次以女友身份跟住衛志豪出席聚會。


崔嘉寶生日 阮兒再現身

上年,8月輪到周文曦太太、前無綫藝人崔嘉寶生日,又係同一班人腳飯聚切蛋糕,拍拖半年,阮兒一早被阿倫、志偉等人當正係弟婦,大家一家咁對待。



收工撲上女友香閨

之前,衛志豪一邊忙趕新劇《果欄中的江湖大嫂》、一邊繼續主持工作,錄影完《阿爺廚房》,甚是熟路一支箭搭小巴前往阮兒的將軍澳峻瀅香閨。



相隔無耐之前, 阮兒才剛剛在峻瀅會所泳池結束Big Big Channel水著直播,時間夾得啱啱好,沖埋涼瀝乾水,正好等到男友返歸!

收工撲上房 上周四(10日),出席完《阿爺廚房》記者會後,衛志豪相當熟路,乘上專線小巴從電視城直往同區屋苑峻瀅。

進入屋苑後,衛志豪長驅直入,街坊見慣不怪、看更亦當正熟人,明顯是住客常客經常出入。


無獨有偶,衛志豪收工前,阮兒正好一身水着在峻瀅會所泳池前玩Big Big Channel直播。










鍾意就快D Share啦!
Related Posts Plugin for WordPress, Blogger...