掃呢頁CODE去手機

2018年9月18日 星期二

【蔡志明專訪】玩具大王自爆600億身家 發達因遇上一隻狗 __,蔡志明,

蔡志明:「好辛苦,由25歲到40歲,我都未玩過,日日就喺公司做嘢。」
蔡志明,人稱「玩具大王」,旭日國際集團創辦人兼主席,玩具廠起家,後來涉獵地產、醫療、鐘錶等;名車、遊艇、豪宅亦數之不盡,但旗下業務無一上市,是不折不扣 ...


蔡志明,人稱「玩具大王」,旭日國際集團創辦人兼主席,玩具廠起家,後來涉獵地產、醫療、鐘錶等;名車、遊艇、豪宅亦數之不盡,但旗下業務無一上市,是不折不扣的神秘大富豪。他實際身家一直是個謎,但不少上市公司周轉不靈,都會找他求助,包括康健(3886)創辦人、股壇大玩家曹貴子,亦向他借救命錢,卻令外界以為蔡志明是曹的金主,他勞氣說:「我有五、六百億身家,點會為賺一千幾百萬去害人呢?我一年都捐幾千萬啦,無理由架嘛!」



訪問當日,是晚上七時,蔡志明安坐在其頂層辦公室,吸口煙,看着佳兆業(1638)的股價。甫見到記者,即問「食飯未呀?」記者的「未」字甫落,他隨即吩咐秘書到大埔陳漢記外賣幾碗牛腩粉、幾碟小菜,「呢間好出名,我有時做得太夜,都會叫外賣食。」



蔡志明現在要什麼,出句聲就可以,應該沒有什麼是買不到,但他小時候的玩具,只有打波子和拍公仔紙,「睇美國電影有好多玩具咁過癮,已立志大個要做玩具。」1966年,當年19歲的蔡志明,中學預科畢業,成功考上多倫多大學,準備出國留學之際,卻見媽媽「眼濕濕」,「當時哥哥阿妹都出晒讀書,媽媽好想我去,但我去埋就得返佢一個人,(我怕)返到屋企冇人同佢傾計。」於是,蔡志明放棄升學,在媽媽介紹下,到玩具廠做銷售員,主力接洽外國生意,「做咗兩年,入去果時有12個客,我走嘅時候係72個客戶。」



其間他發現做玩具代工生產(OEM),有更大的賺錢潛力,於是自立門戶,「好辛苦,由25歲到40歲,我都未玩過,日日就喺公司做嘢。」每天日做夜做,直至遇上一隻狗─當時紅遍美國的「史諾比(SNOOPY)」。



蔡志明成功取得史諾比的代理及生產權,設計了多款史諾比玩具,「將佢綁喺降落傘、放喺滑板上,做到個客賣到呢,日夜不停做,真係賣到人山人海,愈做愈大,連續做咗十年八年,賺咗好多錢。」



旭日現時在內地有兩間玩具廠,有約4.5萬名員工。蔡志明說,時至今日,旭日在玩具業仍保持一哥的地位,惟利潤只是以前的五份一,「以前做50億元生意,可以賺10億,依家做500億先賺到,比例辛苦好多。」因為內地競爭激烈,即使與客人合作關係長久,難免要用價錢競爭。



但他表示,玩具是他的興趣和始業,一定不會放棄,應該投資的會繼續投資,例如為了節省成本,把大部分工序自動化,「公司有班同事好好,一齊做咗三四十年,無錢賺都要做。」



因此,旭日1992年開始多元化業務,蔡志明說「要搵易賺錢嘅生意」,故1997年大部分投資都在地產,目前旭日大部分盈利來自地產業務。



蔡志明是潮州人,為人疏爽,遇上「架己冷」資金有難,他二話不說伸出援手,「問我借錢,我唔會理佢嘅原因,但我會收返息架!」得他相救的,包括佳兆業主席郭英成,去年3月蔡志明斥資約5億元增持佳兆業股份至5.21%,令停牌近兩年的佳兆業得以復牌。披露權益顯示,蔡志明去年9月減持股份至4.47%,無需再作申報,故不清楚他現在是否仍持股。



蔡志明是六、七十年代,搭上香港經濟高速增長的快車,白手興家的典型例子。「成功需父幹」與他沾不上邊,但其實都有些關係。事關這「潮語」源於其子蔡加讚在一題為《成功需苦幹》訪問中談成功之道,但被網民揶揄實際是靠父親出錢,才能做生意賺錢。



蔡志明坦言,新一代想在香港白手興家很難,「肯努力機會唔係冇,但少囉,早十年八年大陸就好多機會,周圍都係機會,只要你做啱一樣嘢,肯苦心去幹,機會都好大。但香港好多都已飽和,就算開間餐廳,開完冇耐都頂唔順,生意唔好固然做唔掂,生意好業主又加租,香港真係好困難。」



記者:陳雪蕾



攝影:馬泉崇、林寶益



全球樓行 Dream House零距離

https://hk.feature.appledaily.com/overseasproperty



蔡志明:「好辛苦,由25歲到40歲,我都未玩過,日日就喺公司做嘢。」 蔡志明對於玩具充滿情意結 蔡志明對於玩具充滿情意結
蔡志明表示有五、六百億身家

蔡志明表示有五、六百億身家
訪問當日,蔡志明正留意佳兆業股價

訪問當日,蔡志明正留意佳兆業股價

鍾意就快D Share啦!