掃呢頁CODE去手機

2018年9月1日 星期六

【一次遲到足以致命】廣電總局籲「慎用」 傳《延禧》吳謹言兩戲遭易角 __,《延禧》,吳謹言,

《中國電影報導》之前出post「提醒」吳謹言,之後傳出佢仲有手尾跟…
成日話,方丈份人好小器,無綫只係「大灣區人」一個小小電視台,搞得唔開心,咪去到第二度發展囉。但如果得罪嗰個係央視呢?《延禧攻略》吳謹言因為一個訪問,得 ...


成日話,方丈份人好小器,無綫只係「大灣區人」一個小小電視台,搞得唔開心,咪去到第二度發展囉。



但如果得罪嗰個係央視呢?



《延禧攻略》吳謹言因為一個訪問,得罪咗央視旗下嘅《中國電影報導》———即係得罪央視啦,指佢人紅即擺款(指吳謹言團隊臨時更改採訪地點、又冇同場地協調好,仲要求電視台負責租場費,跟住又話趕時間)



而佢得罪呢個,仲係「央視嫡子」,網民食住花生話:以後冇好日子過啦。



「央視嫡子」公審一個新人遲到,指摘其藝德有問題,仲要講明件事係25號發生、而個po係28號先出。換言之,吳謹言團隊,呢三日都冇(公開)道歉,嘩,爭在「罪大惡極」四字未寫出嚟。有傳吳謹言已經得罪廣電總局,日前廣電局已通知各大公司慎用這演員。



廣電總局話明要慎用呢個人,各大公司自然識做,有指本來有兩部戲預咗搵吳謹言做主角,依家因為「慎用」呢個指令,臨時易角。



溫響回帶,其實大陸官方下令封殺藝人已是常態,2014年,《南方都市報》引述消息稱,廣電總局已對各大衛視下達通知,規定「凡是有劣跡的導演、編劇、演員等主創人員參與制作的電視劇,要慎重考慮」。當時榜上有名包括:黃海波、王全安、張默、柯震東、甯財神、高虎、文章、李代沫、張元、房祖名等等。名單上嘅人,依家有啲轉咗行,有啲自己做老闆。



吳謹言出道八年,都係由配角做起,獲製作人于正慧眼安排做《延禧》主角,依家人氣極旺,工作排到密麻麻,仲有商演、代言等。



之前有傳媒想邀請佢撥冗做專訪,吳謹言嘅團隊都推咗,話短期內都冇檔期。其實呢行都係跟紅頂白,趁有人氣接多啲job無問題,有時遲到亦可能身不由己,但央視搞到咁大單,之後又發一個原諒嘅Post,「我們接受吳謹言團隊及其所在的歡娛影視公司誠意的道歉,希望我們的善良能觸動你們的進步與成長,從藝路上德為先。」



戲都冇得拍,可以專心培養藝德喇。



《中國電影報導》之前出post「提醒」吳謹言,之後傳出佢仲有手尾跟… 力數吳謹言三宗罪。(微博圖片) 力數吳謹言三宗罪。(微博圖片)
吳謹言嘅魏瓔珞一角被讚,可惜最近指有兩套戲原本搵佢演,但臨時要換角。(微博圖片)

吳謹言嘅魏瓔珞一角被讚,可惜最近指有兩套戲原本搵佢演,但臨時要換角。(微博圖片)
之前同樣被指有劣跡嘅影圈前輩,好多都未翻到身,唔知佢有冇咁嘅機會。(微博圖片)

之前同樣被指有劣跡嘅影圈前輩,好多都未翻到身,唔知佢有冇咁嘅機會。(微博圖片)

鍾意就快D Share啦!