掃呢頁CODE去手機

2018年9月14日 星期五

范冰冰神隱過百日 逾千萬靚車全消失 __,冰冰,范冰冰,李冰冰,

范冰冰自捲入「逃稅風暴」以嚟,都未有露面。資料圖片
范冰冰自捲入「逃稅風暴」以嚟,都未有露面。資料圖片內地女星范冰冰捲入「逃稅風暴」以嚟,已經「神隱」逾百日,日前有內地傳媒喺佢豪宅門外,發現冰冰名下多架 ...


內地女星范冰冰捲入「逃稅風暴」以嚟,已經「神隱」逾百日,日前有內地傳媒喺佢豪宅門外,發現冰冰名下多架價值千萬嘅靚車都唔見咗,有傳佢嘅事業同人身安全陷入危機!

據內地媒體報道,冰冰位於北京三里屯嘅豪宅,𠵱家樓下只停泊咗一架保母車,呢架車係佢平時拍戲代步用。而冰冰名下嘅其他貴車,包括Benz同用嚟炫耀嘅勞斯萊斯,仲有傳男友李晨求婚嗰陣,送咗架價值逾千萬嘅麥拿倫超級跑車畀佢,不過𠵱家統統唔見晒,於是有傳媒質疑佢為咗防止被查封而將名車提早過戶!



蟬聯《福布斯》中國名人榜首多年嘅冰冰,其豪宅只剩低代步用嘅保母車,其他名車唔見晒。互聯網圖片

蟬聯《福布斯》中國名人榜首多年嘅冰冰,其豪宅只剩低代步用嘅保母車,其他名車唔見晒。互聯網圖片

被爆吸金大法

另外,有內地傳媒狠批冰冰捲入逃稅災難,盤點冰冰由《還珠格格》扮演丫環「金瑣」,一路努力向上爬,結果蟬聯五年《福布斯》中國名人榜首位。踢爆冰冰嘅吸金大法,就是靠開出天價片酬、成立工作室、去外國投資物業買樓收租,有傳冰冰喺加拿大七個大學校區都有物業揸手,單單係收租,都有350萬港元進賬。由於同內地提倡「禁奢」、「均富」嘅風氣背道而馳,日前喺中國社科院「中國影視明星社會責任研究報告」上,冰冰竟然被批零分包尾。

撰文:馮仁昭




鍾意就快D Share啦!