2018年9月28日 星期五

城堡工心計! 方媛霸女隔絕奶奶 磨心城城壓力爆煲 __,城城,方媛,郭富城,

城城 方媛
城堡工心計!方媛霸女隔絕奶奶磨心城城壓力爆煲52歲的郭富城去年升呢做「父王」,老婆方媛為他誕下女兒Chantelle,從此有女萬事足,開口埋口都提住愛 ...


城堡工心計! 方媛霸女隔絕奶奶 磨心城城壓力爆煲



52歲的郭富城去年升呢做「父王」,老婆方媛為他誕下女兒Chantelle,從此有女萬事足,開口埋口都提住愛女,為打破「四大岳父」的宿命,城城努力造人望追多個仔,早前傳出方媛肚凸有喜,拍緊電影《麥路人》的城城被傳媒追訪時竟大怒黑面,事後他解釋因為太投入露宿者角色而一時未能抽離。

要努力搵奶粉錢照顧妻女及養方媛全家,城城近年戲接戲已經忙爆,據悉孝順仔去年趕結婚生B,無非想年邁母親有孫抱,可惜方媛率領由大陸來港的父母日日霸住個女,令郭母未能享受嫲孫樂,兩面夾擊城城變磨心,壓力爆煲自然人變躁。方媛生女已經母憑女貴,有埋慈姑椗咪更加氣燄?

撰文:東方新地|圖片:新傳媒圖片、Instagram、微博





城城 角色沉重壓力大

入行逾30年的郭富城,一直為事業打拼,直至去年4月變有腳雀仔娶方媛,同年女兒出世做埋「四大岳父」後,幸福笑容經常掛在嘴邊,感覺比以前更開心,他坦言以往愛參與朋友聚會,如今則經常留在家中,想多抽時間陪伴愛女。不過早前有傳城城再做老竇,其中一次面對傳媒追訪,他竟反常態表現甚不友善,並喝止傳媒不要再採訪。對於一時躁底,城城事後表示因為太入戲:「我好少講家庭事,不過同大家分享吓,有小朋友係好開心嘅事。但係好多時候小朋友係上天畀自己嘅恩賜,我都想保護屋企人。無論將來有幾多個小朋友,都係好開心,老實講我係鍾意一個多人嘅家庭,開心嘅家庭,不過暫時唔可以講太多。」原來早前城城拍攝由鄭保瑞監製、黃慶勳執導的《麥路人》,他表示為演活戲中三餐不繼的低下層人物,對身邊的事,反應會好大。

城城
戲接戲的城城未停過,早前拍緊《麥路人》還要為《無雙》做宣傳,他直認因太投入《麥》片中的露宿者角色而令情緒失控。


最近城城忙宣傳新片《無雙》,在戲中一人分飾兩角的他坦言最難是拿捏情緒:「我最忟係喺泰國拍外景時,其中一日要飛去第二度表演,返到嚟嗰朝早我要拍一場重頭戲,點知失準,我即刻同導演要求重拍,前後拍咗三次先得,好彩布景未拆。」面對不同角色的挑選,城城一旦投入情緒便很難抽離,他表示剛拍完電影《麥路人》比《無雙》更沉重:「《無》呢套戲個角色某程度上係個天才,有錢到可以周圍遊歷,但《麥》片係講緊個冇錢、冇家嘅人,情緒上好辛苦,可能有時發咗脾氣都唔知。加上我太投入角色,個人變得容易忟憎,希望大家體諒。」

為體驗做露宿者,城城的造型十分潦倒,因為留鬚搞到個女認唔到爸爸,除了要拍攝去摷垃圾的戲份,城城更刻意捱餓令自己代入角色,拍到入晒戲,回家便不多出聲,亦因為情緒低落有時會在片場失控,甚至發脾氣鬧人。

城城

城城上月出席電影《麥路人》開鏡儀式,電影講述一群流連24小時快餐店的露宿者,為了體驗無家的生活,城城除了看相關資料外,還用了捱餓的方法:「因為有啲人唔好講住嘅地方,就連開飯都成問題,所以眼神要有飢餓嘅感覺。」因為太投入角色,城城每日收工都抽離唔到。


隔絕奶奶親孫

令城城鬧情緒又點止工作咁簡單,據知方媛自從坐正做城嫂後水鬼升城隍,恃住為郭家生了女兒開始坐大,再加上其父母去年開始長期留港湊孫,人多勢力大,相對城城母親 勢孤力弱,與孫女見面時間少之又少,知情者透露:「城城知道阿媽想抱孫,所以先趕生B,之前亦安排阿媽同住,希望佢成日都可以見到個孫,點知方媛父母落嚟話幫手湊B,最後喺城城樓下租住單位,B女就長期交由婆婆負責照顧,方媛全家日日霸住個女,嫲嫲有時想同個孫女玩吓都唔得。城城真係左右做人難,但佢又成日唔喺香港,根本控制唔到屋企情況,夾喺中間做晒磨心,最慘就係佢仲要冧個老婆幫佢繼續生,又要靠岳父岳母幫佢睇頭睇尾,所以城城一方面安撫阿媽,話遲啲會再生多幾個孫畀佢玩,另一方面就氹方媛叫佢專心留喺屋企湊女,同埋準備好迎接第二胎,唔好成日掛住佢盤網上時裝生意。」城堡上演宮心計,分分鐘好睇過做戲,方嫂手持生仔免死金牌,絕對一人獨大!

城城

侍母至孝的城城,為圓阿媽的抱孫夢去年成家立室,不過近年已沒有見他帶母出席公開場合。


事實上,自城城女兒Chantelle出世後,本刊記者只在其大坑城堡的低層空中花園見過岳母抱B現身,卻從未見過城城母親與孫女同框出現的歡樂畫面。日前方媛與父母及外傭帶同女兒外出,眾人由司機接載出發到海洋公園,其時下午2時烈日當空,方媛一行五人到達海洋公園後在門口擾攘一輪,只見Chantelle扭眼瞓捽晒眼,一直由婆婆抱實的她更一度撲向母親懷抱,城城岳父又曬到面容扭曲,最後方媛決定放棄入園,急召司機打道回府。當日所見,方媛雖未明顯見肚,但她避忌抱女,上車落車都由婆婆負責,她只在女兒扭計時抱了五分鐘左右便過手。

城城 方媛

城城多年前買下位於大坑的豪宅做「城堡」,他與方媛婚後住在頂層,去年女兒出世後,他再租同棟一個低層連空中花園的單位給岳父岳母住,方便他們幫手湊孫。



天王變愛妻號

城城被細22年的方媛降服,由不覊天王變愛妻號兼慈父,不過湊女幾緊要都好,他亦不會冷待老婆,一有時間就製造機會冧妻,早前就被本刊影到撇甩囡囡,同老婆外出二人世界歎辣蟹,離開時仲十指緊扣拖到老婆實一實行去攞車,另一隻手就拎住大袋外賣,同一晚城城還充當攝影師幫老婆街拍,放下天王身份冧妻,可見城嫂地位幾咁超然。妻女係重要,不過城城都唔可以忘記初心,當日同方媛奉女成婚就是想阿媽有孫抱開心,要兩面兼顧做個好老公同孝順仔,難免承受一定的壓力,唔想爆煲失控,城城都要識得減壓,得閒搵番班老友篤波打邊爐

城城 方媛

一個女仔嫁來香港,老公城城又經常 外出工作不在港,方媛人生路不熟,生女後即吹雞叫阿爸阿媽來港幫手湊孫,日前更全家總動員加外傭一齊外出。城城女兒Chant著住條螢光粉紅裙仔,戴住花花頭飾好搶眼。


城城 方媛

當日方媛call定七人車在寓所門口等候,大熱天時在T恤外再加件牛仔褸,見到都覺熱,而方媛雖未明顯見肚,但從這角度可見其腰有點粗。


城城 方媛

方媛一行五人去到海洋公園的大門口,突然企定唔郁,這時囡囡打晒喊露捽晒眼仔,更打開雙臂要媽咪抱。當日天氣酷熱,方媛父親亦曬到面有難色。



上落車唔抱女

由出發上車到落車,囡囡都由婆婆全程抱住,到達海洋公園時婆孫與外傭先落車,方媛與父親尾隨。



短短15分鐘車程,阿女在車內換了一件米色左胸有隻大蝴蝶的裙仔,一歲人仔非常精靈,皮膚白滑愈來愈似媽咪。



到此一遊

在大門口企咗五分鐘,抱住女的方媛最後決定放棄入園,眾人又行番去停車場搵司機上番車,然後打道回城堡,歷時唔夠一個鐘的自由行結束。





@ 分享的貼文 於 張貼



片場暴怒

因為演露宿者令城城情緒受到影響,據知他曾在片場發火而不自知,對任何事反應都過大,情緒一度失控。





(@aaronkwokxx)分享的貼文 於 張貼



煞科鬆口氣

雖然《麥路人》只拍了25日,但城城已陷入不能自拔的情感中,日前電影煞科,城城難得展現久違了的笑容,成個人鬆晒,與劇組開香檳慶祝。



故弄玄虛

近月被傳懷第二胎的方媛,被指因安胎沒有更新社交網,日前她上載半身近照上謂:「好久不見,聽說有人在等我更新哦!」未有提及是否已懷孕。



母憑女貴

幾時都話生女好,方媛與母親同樣都是母憑女貴,一個係「城嫂」,一個係「城城岳母」,閒時high tea行名店,母女齊升呢!



@ 分享的貼文 於 張貼

方媛產後復工出席活動,城城更派出經理人小美全程傍實老婆。

鍾意就快D Share啦!
Related Posts Plugin for WordPress, Blogger...