掃呢頁CODE去手機

2018年9月12日 星期三

【仲有查理絲泰朗】拍黑白廣告型到震 畢彼特同吳彥祖鬥靚仔 __,吳彥祖,畢彼特,

 畢彼特、吳彥祖同查理絲泰朗身處片場,展現專業一面。
荷李活影星畢彼特(BradPitt)最近忙過不停,佢為手錶品牌百年靈(Breitling)所拍嘅最新廣告亦近日面世,廣告黑白為主非常有型。另外,仲見到 ...


荷李活影星畢彼特(Brad Pitt)最近忙過不停,佢為手錶品牌百年靈(Breitling)所拍嘅最新廣告亦近日面世,廣告黑白為主非常有型。另外,仲見到最近傳出拍拖消息嘅影后查理絲泰朗(Charlize Theron),及大家熟悉嘅吳彥祖,同樣都在新廣告中現身,三人身處片場,展現出佢哋最專業嘅一面。



另外畢彼特主演、荷李活鬼才導演昆頓塔倫天奴(Quentin Tarantino)執導嘅「世紀殺人魔」曼森(Charles Manson)電影《Once Upon A Time In Hollywood》現正拍攝中,據知幾日前,因為有份參演嘅老牌影星畢雷諾士(Burt Reynolds) 病逝,對劇組嘅心情都有影響,不過就因為畢雷諾士嘅戲份仲未開始拍,所以劇組將會易角,相信對製作方面都影響唔大。



電影由兩大影星畢彼特同里安納度狄卡比奧(Leonardo Dicaprio)首次合作擔演主角,更有影帝阿爾柏仙奴(Al Pacino)、「小丑女」瑪歌羅比(Margot Robbie)、卻羅素(Kurt Russell)等影星參演,卡士強勁。劇情講述里安納度演嘅Rick Dalton係個過氣西部牛仔劇演員,而畢彼特演嘅Cliff Booth就係Rick Dalton嘅動作替身。二人於荷李活爭扎求存,不過就住正女星莎朗蒂(Sharon Tate)隔離,後來經歷莎朗蒂被殺人魔曼森殘殺一事。據知電影已拍攝得如火如荼,預計下年7月尾上映。





精選娛聞,喺晒《娛果》

http://fb.com/appledailyent



 面對畢雷諾士逝世,畢彼特要重拾心情繼續拍。 面對畢雷諾士逝世,畢彼特要重拾心情繼續拍。
  「小丑女」瑪歌羅比飾演女星莎朗蒂。

「小丑女」瑪歌羅比飾演女星莎朗蒂。
  畢雷諾士嘅戲份未開始拍,因此要易角。

畢雷諾士嘅戲份未開始拍,因此要易角。
  畢彼特忙拍戲之餘,亦為手錶品牌百年靈任代言人。

畢彼特忙拍戲之餘,亦為手錶品牌百年靈任代言人。
  最近傳出拍拖消息嘅影后查理絲泰朗都係代言人之一。

最近傳出拍拖消息嘅影后查理絲泰朗都係代言人之一。
 吳彥祖同畢彼特鬥有型。

吳彥祖同畢彼特鬥有型。

鍾意就快D Share啦!