掃呢頁CODE去手機

2018年9月15日 星期六

黃心穎:孖馬國明遊蘇梅島 心穎竟然話冇乜傾偈 __,心穎,馬國明,黃心穎,

黃心穎同馬國明去完旅行叉電。藝人黃心穎出席美容品牌新店開幕活動,吸引大批龍友及Fans聚集,她剛與男友馬國明去完蘇梅島旅行叉電,玩足五日四夜,心情靚爆 ...


黃心穎同馬國明去完旅行叉電。


藝人黃心穎出席美容品牌新店開幕活動,吸引大批龍友及Fans聚集,她剛與男友馬國明去完蘇梅島旅行叉電,玩足五日四夜,心情靚爆的她更「峰」騷晒線頭,相當吸睛!問到旅行後可有增進感情?心穎說:「OK專注做SPA多啲,之後要去加拿大做嘢同埋要出Trip去家姐婚禮。(下個同男友去嘅Trip係咪度蜜月?)講到咁快嘅?(五日四夜有冇傾結婚?)冇乜傾偈,哈哈!(好多港姐師妹都結婚,幾時到你?)結婚唔係潮流,唔係人做我就做,唔會焦急,但好戥身邊嘅人開心,都有恭喜單文柔。」

心穎話本來自己不喜歡去陽光與海灘地方,驚曬黑又唔識游水,但經過今次旅程兩樣都「做齊」:「有曬黑咗,同埋人生第一次玩浮潛就愛上,以為一定要識游水,原來唔使,着起救生衣浮吓浮吓覺得識游水咁,又有接觸海底世界。」玩得開心是否都關旅伴男友事?心穎即甜笑扯開話:「係見到魚!(你啲相得一個人係男友角度?)Set腳㗎,係腳架角度!」招架不住才供出有「人肉腳架」馬國明幫手影相,大讚男友影相一流、有進步:「佢好努力幫我影。(平常訓練足夠?)佢好少揸相機,今次好有耐性幫我影,都要多謝佢!咁啱佢喺內地套戲做攝影師,有練過吓。(有加到分?見你話見咗家長過晒關。)爸爸、媽媽對佢印象都好,但真係好彩有佢幫我影。」又自爆男友不搽防曬,問到可有互搽?她坦言有幫對方噴防曬:「唔使接觸㗎!佢都有幫我噴。」

--------------------

東網已全面支援360影片及相片,讓你全方位睇盡新聞大事,恍如置身現場,立即登入東網360網頁: http://on.cc/360/

如仍未更新東網App,請按此連結收睇360影片: https://bit.ly/2QxqoRa


來源 source: http://hk.on.cc
鍾意就快D Share啦!