掃呢頁CODE去手機

2018年9月20日 星期四

【明明有老公】陳自瑤心酸湊女疲倦 死守因為王浩信玩三招箍煲 (足本版) __,王浩信,陳自瑤,

明明有老公,不過通常見親陳自瑤,都係單拖湊女。又要拍劇,又要顧住頭家,佢攰到冇乜表情,忍唔住當街幫自己按摩呀!話陳自瑤假單親,真係冇誇張,因為王浩信成 ...




明明有老公,不過通常見親陳自瑤,都係單拖湊女。又要拍劇,又要顧住頭家,佢攰到冇乜表情,忍唔住當街幫自己按摩呀!

話陳自瑤假單親,真係冇誇張,因為王浩信成日忙開工,依家仲同唐詩詠拍緊新劇。照顧個女嘅責任,就落喺YoYo身上。

呢日佢帶個女去買玩具同燈籠,雖然帶住黑超,都感覺到佢嘅倦意。不過佢好有耐性,陪個女睇足全程。

之後去會合一個長輩買家品,佢負責俾錢。基本上唔使拍嘢,YoYo就過普通師奶嘅生活。

王浩信之前講過多謝老婆對個女嘅付出,佢拍《致命復活》受傷嗰陣,仲話覺得自己好自私。不過講完之後,行動照舊,仍然由YoYo獨力湊女。近年王浩信仲租多咗個地方搞工作室,除咗拍劇,又搞緊生意,收工會返私竇,比以前更少陪妻女。

加上佢不時傳緋聞,舊年有蔡思貝,今年拍劇就傳同江嘉敏來往甚密。

YoYo雖然喺人前好撐老公,但喺facebook留言都幾感觸,近期話人生就好似一張有去無回嘅車票,暗示無得回頭。

其實幾年前,YoYo試過提出分手,當時王浩信狂發二千個短訊,最後令佢回心轉意。以前王浩信冇咁忙,亦會製造驚喜,為佢下廚,同埋自彈自唱情歌。

佢哋有好多甜蜜嘅過去,但係時候合力製造親密嘅未來喇!

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!