【本報訊】卧底警鄭皓瑋在15個月的行動中，搭上一名叫Mena的女子拍拖，女方在fb放閃，稱鄭是「我的最愛」，還將他的化名「維」紋身紋在肩背。可惜愛上卧底的下場，是被各方「同門兄弟」圍攻，想逼她「篤灰」找出鄭的「痛腳」和罪證；庭上的鄭卻矢口否認她是女友，堅稱只是普通朋友。
根據鄭的流水簿，他做卧底期間認識40多名女子，包括Mena。人物清單分開男女，分別以M及F標示，部份男子姓名旁寫上電話號碼，但40多名女子中，鄭一律沒寫上電話，連Mena也沒有。但Mena的名字不時出現在鄭的卧底日記中，辯方更指二人曾在酒吧做出親密男女才會做的行為，質疑「普通朋友會紋個名？」
屢於fb貼文追憶舊愛
鄭的卧底身份隨警方去年2月收網而曝光，Mena才醒覺自己愛上警察，麻煩隨即湧至。當年7月，Mena在社交網站發佈數百字帖文：「真係好×好笑，嗰時我知我條仔係卧底嚟㗎？……嗰時拍拍吓拖你老味成日打嚟搵佢，唔知仲以為同我爭仔咁款。爆咗針就嚟煩我，用吓腦都諗到啦，佢明知自己係差佬，會唔會白紙黑字send whatsapp同我講佢做過啲乜知法犯法嘢？」
Mena更發晦氣稱不如上庭作假證供：「佢食嘢邊個叫㗎？關事嗰啲唔爆佢？個個都搵唔到佢痛腳，就覺得我一定搵到？我可以爆啲乜？上庭作文吖！自說自話又乜證據都冇，個官睬你都有味搞×死我都冇用，唔知就係唔×知！幾廿歲人個腦仲生喺屎忽度，我真係×你老母。」
愛上錯的人為Mena帶來麻煩，但從貼文看，她似念念不忘：「有一種愛明知無前路，心卻早已收不回來」、「又一夜無眠，很想你，你過得好嗎？」至卧底行動曝光逾半年後的9月26日，Mena再發佈鄭得戚咬唇「chok樣」的大頭照，繼續追憶舊愛：「我的最愛，生日快樂」。
■記者蔡少玲、伍嘉豪
|
鍾意就快D Share啦！
|
|
|
