到底……冰冰情況依家係點…真係冇人知。
捲入逃稅風波的內地女星范冰冰「人間蒸發」近三個月，佢個人就見唔到，原來連佢啲車都「唔見」埋！據大陸媒體報道，近日到范冰冰豪宅觀察發現除咗平時用來代步嘅保母車仍健在，其餘名車都不見蹤影，連傳聞中李晨求婚時送嘅千萬跑車都消失，更惹來質疑指係防止被查封而提早過戶。
而內地網民又瘋傳指係冰冰近年「賺錢」嘅手法，網友指佢接戲時先開出天價片酬大賺一筆，接住就成立工作室避稅、逃稅、開空頭公司使錢，此外更在海外廣泛投資房地產，淨計加拿大就喺7所大學校區周圍有房產，粗略估海外投資收益每年在14%以上，海外整體投資收益超過200%。就近日冰冰負面消息頻傳，其工作室一直未有出面說明。另大陸社科院發布一份「中國影視明星社會責任研究報告」，冰冰更慘被打為「0分」墊底。
早前前於網上瘋傳冰冰上腳鎖被捕圖片，近日終於「破案」，原圖喺網上曝光，明顯早前嘅「冰冰被捕照」係假圖，真係唔知邊個咁大整蠱……
來源 source: http://hk.on.cc
|
鍾意就快D Share啦！
|
|
|
