港鐵工程主管資格考核早前爆出貓醜聞。
港鐵工程主管資格考核爆出貓醜聞後，有新入職高鐵工程車車長因考試「肥佬」被炒。有消息人士表示，該考生求情問可否補考，但考官回應指，「爆出員工要出貓先合格後，政府睇得好緊、要監錄，如果再考多次，公司驚被質疑考試誠信，所以唔敢。」事件在員工之間流傳，東網正向港鐵查詢。
消息人士坦言，以前講師自己「做埋監考」，個別人士甚至考試期間會消失一陣，「大家都明白咩意思啦」。他說，補考或者鬆手少少，除非真係太差，到最後不會「肥」咁多人，形容「啲考官怕上頭問做乜肥人，又要解一大輪畫，所以有時都鬆手少少放人」。而事件被爆出後，機電署調查後才變回嚴格，實施雙監考員制全程監考，試前沒有溫書放水環節，考試期間不可傾談、用手機。
機電工程署早前表示，港鐵考試制度有改善空間，已要求港鐵實行多項改善措施，並會密切監察港鐵按時落實有關措施，包括進行不定時抽查，以確保考試制度妥當完善，保障鐵路系統運作安全。
來源 source: http://hk.on.cc
|
鍾意就快D Share啦！
|
|
|
