掃呢頁CODE去手機

2018年9月3日 星期一

工藤佑采寸心穎理解力差威脅爆內幕 __,工藤佑采,心穎,黃心穎,

黃心穎
工藤佑采寸心穎理解力差威脅爆內幕落選港姐工藤佑采被指黑面Hea跳舞而備受批評,師姐黃心穎亦指她做人態度唔抵爭,直言對其徹底失望!沒料一番話觸發雙方罵戰 ...


工藤佑采寸心穎理解力差威脅爆內幕

落選港姐工藤佑采被指黑面Hea跳舞而備受批評,師姐黃心穎亦指她做人態度唔抵爭,直言對其徹底失望!沒料一番話觸發雙方罵戰,工藤昨晚在網上爆Seed反擊,寸爆心穎閱讀理解有問題兼博見報,更揚言不排除大爆選美內幕。心穎則理直氣壯堅持當日言論,更寄語對方尊重自己。

2018香港小姐競選雖已塵埃落定,但是非卻未有停下,事緣工藤佑采於賽事當晚,被發現在跳舞環節Hea跳兼黑面,連監製何小慧亦斥她態度欠佳,及後工藤於社交平台為自己發聲平反,狂呻一星期要練四隻舞以及比賽過程辛苦等。身為師姐的黃心穎前晚與張振朗、何雁詩和翟威廉等出席無綫新劇《牛下女高音》收工飯時,亦發表回應,沒料卻成為罵戰的觸發點!

怒斥護主心切

心穎不諱言選美過程一定辛苦:「件事我覺得佢唔啱,當年我選係隔兩日就做唔同嘢,咁人哋做到,佢做唔到就係自己問題,我仲以為黑面係佢嘅跳舞態度,如果係做人態度就唔抵爭。(覺唔覺得落選仲要做布景板好慘?)又唔覺得,當年我哋係最後十強先可以喺決賽出現,但今屆廿個都可以已經好好,辛苦咗咁多個月,梗係想喺台上展現自己,留個好好嘅回憶,所以應該跳好佢,咁樣做就徹底對佢失望。」

不料此番言論觸動到工藤的神經,昨晚7時許她在社交平台爆Seed,圖文並茂逐點反擊心穎,毫不留情直呼心穎全名,或許怒火蒙蔽了雙眼,結果連「穎」字也打錯:「我份人一向奉行人不犯我,我不犯人,好多事退一步海闊天空,所以從來冇公開喺網上話人,但係我都講過,我唔係打不還手,罵不還口。黃心(穎),我幾時有講過,我話比賽辛苦不滿意?」更暗示有人抹黑她,故你不仁我不義,不排除爆選美內幕,還寸心穎護主心切,又說:「你堂堂三甲香港小姐,連閱讀理解都唔識?真係叻豬!你嘅行為真係表現到你係幾咁美貌與智慧並重。」又以老經驗口脗指導心穎應如何回應才是正確,並斥心穎借她宣傳:「其實你係咪好耐冇見報?所以要出嚟話一下我?」發文不足一小時,已有大批網友留言,惟對其言論反應不一。

工藤佑采
  • 工藤佑采
心穎(右起)、張振朗和何雁詩出席新劇飯局。

  • 心穎(右起)、張振朗和何雁詩出席新劇飯局。
黑面Hea跳<br>比賽當晚,工藤被發現Hea跳兼黑面。

  • 黑面Hea跳

    比賽當晚,工藤被發現Hea跳兼黑面。

馬國明:大事化小

對於被工藤寸爆,心穎接受本報訪問時說:「我堅持當日講嘅嘢,尊重自己、尊重舞台。(佢話你護主心切!)護乜鬼,有參選嘅人都知,去到係要打定輸數,我唔信係最後一分鐘先叫你出去跳,佢應該都預咗有呢件事,仲要話我靠佢見報,我唔係好想同佢個名扯上關係,覺得成件事係掉轉嚟!」至於心穎男友馬國明稱對事件不知情:「希望大事化小,小事化無,無謂再講」






鍾意就快D Share啦!