掃呢頁CODE去手機

2018年9月12日 星期三

【戥太太不值?】姚嘉妮徘徊三、四線 林祖輝﹕佢係有潛質 __,嘉妮,姚嘉妮,林祖輝,

林祖輝同姚嘉妮由拍拖到結婚已經有19年,並育有一子一女。(資料圖片)
近年「亞視幫」喺無綫發圍,田蕊妮、陳展鵬、袁文傑、陳煒等一個個彈起,姚嘉妮(嘉嘉)喺2001年已過檔大台,無論演忠、奸或是潑婦、八卦師奶角色都恰如其分 ...


近年「亞視幫」喺無綫發圍,田蕊妮、陳展鵬、袁文傑、陳煒等一個個彈起,姚嘉妮(嘉嘉)喺2001年已過檔大台,無論演忠、奸或是潑婦、八卦師奶角色都恰如其分,早前在熱播劇《BB來了》,40歲人扮過氣MK妹陪月員仍被稱讚冇違和感,可惜多年來主力被派做《都市閒情》主持,未有機會上位做一姐。



林祖輝曾在無綫當經理人,問到有冇幫太太一把?祖輝話﹕「我只係公司小職員,唔可以左右到監製啲乜。以前我高峰期,除咗Manage苟芸慧、金剛、龔嘉欣,仲有50幾個新人。新人好簡單,捉上去戲劇部直接介紹畀監製認識,見真人好過睇相;但嘉嘉本身係藝人,唔適宜咁做,透過真正合作同認識更重要。」



40歲嘅嘉嘉雖然係兩子之母,與祖輝育有分別係9歲囡囡Kyra同6歲囝囝Kyros,但身材同樣貌都Keep得好好。祖輝亦讚老婆忍得口﹕「佢好鍾意食嘢,又易肥,但就好忍得下,會做好多運動。」未能突圍,會否替嘉嘉不值?祖輝話﹕「冇話抵唔抵,好多時練十年就係等一個機會,我覺得佢係有潛質,自己係TVB做過我知,咁多藝人咁多監製,監製未必好多時間去了解一個藝人,但如果有越多機會,發現原來佢演癲癲喪喪都得,咁其他人或者都會睇到,有潛質嘅就自然有人度身訂造角色俾你,拍劇真係好睇天時地利人和。」



祖輝曾經到過北京做國家級運動員的經理人,但工作一年便決定回港,佢直言為咗屋企人﹕「當時太太知道有第二個小朋友,咁就開家庭會議,一係一家人上北京住,一係我返落。咁北京天氣冇香港咁理想,最後決定返香港,就做咗童裝生意。」林祖輝直言在子女心目中,評分一直落後太太,佢苦笑話﹕「女女話Daddy一百分,但媽咪係infinity(無限),我咪慢慢追返分。」



祖輝表示從來唔會俾小朋友有讀書壓力,佢笑言﹕「因為家長唔想有壓力囉,我俾小朋友讀國際學校,都係唔想佢哋有太多功課同考試壓力,見囡囡現在都好鍾意返學,每朝自己起身、刷牙,做乜都唔使逼。」



採訪﹕嵐山

攝影﹕葉君海

攝錄﹕廖達燊

場地﹕ROOKIE(沙田分店)



精選娛聞,喺晒《娛果》 http://fb.com/appledailyent



林祖輝同姚嘉妮由拍拖到結婚已經有19年,並育有一子一女。(資料圖片) 一家四口(互聯網圖片) 一家四口(互聯網圖片)
本身係大學畢業嘅祖輝話唔想俾小朋友有太大壓力,所以幫子選讀國際學校。(攝影﹕葉君海)

本身係大學畢業嘅祖輝話唔想俾小朋友有太大壓力,所以幫子選讀國際學校。(攝影﹕葉君海)
嘉妮好鍾意運動,又忍得口,難怪生完兩個身材都咁fit。(ig圖片)

嘉妮好鍾意運動,又忍得口,難怪生完兩個身材都咁fit。(ig圖片)
嘉嘉喺01年已轉投無綫,主力被派做《都市閒情》,未有機會更上一層。

嘉嘉喺01年已轉投無綫,主力被派做《都市閒情》,未有機會更上一層。
祖輝一向甚少緋聞,與姚嘉妮喺亞視年代已開始拍拖。(資料圖片)

祖輝一向甚少緋聞,與姚嘉妮喺亞視年代已開始拍拖。(資料圖片)
在喜劇《財神駕到》,被讚有喜感。(ig圖片)

在喜劇《財神駕到》,被讚有喜感。(ig圖片)
《超時空男臣》飾演老闆娘,好有氣勢。(無綫電視截圖)

《超時空男臣》飾演老闆娘,好有氣勢。(無綫電視截圖)
在《BB來了》飾演過氣MK妹陪月員朗朗,青春打扮被讚冇違和感。(無綫電視截圖)

在《BB來了》飾演過氣MK妹陪月員朗朗,青春打扮被讚冇違和感。(無綫電視截圖)
主持《都市閒情》經常晒長腿。(無綫電視截圖)

主持《都市閒情》經常晒長腿。(無綫電視截圖)

鍾意就快D Share啦!