嘩！黃德斌好似知道啲嘢咁。
黃德斌同龔嘉欣（Katy）到尖沙咀出席品牌活動，期間德斌笑容滿面，Katy指對方結婚後由沉默寡言變得開心活潑，問德斌是否結婚後每朝瞓醒都變得更開心？他笑說：「咁呢樣嘢永遠都要保持嘅！（稱呼唔同咗？）唔知有咩分別喎！都咁多年！（以前都係叫老公？）哈哈哈！」
Katy笑言以為今日德斌會派利是，即被德斌笑她「好狼」，未到新年已要𢭃利是，Katy表示對方睇住自己大，合作《愛·回家》時已飾演自己阿哥，現在看着對方成家立室，德斌說：「聽講你都就快成家立室！」嚇得Katy即澄清：「咪亂傳呀！我唔急！」德斌再狙擊：「你夠膽話你冇人追？Katy說：「近排冇！如果唔係，打風屋企水浸唔會冇人幫都係叫鄰居幫手。（有冇單身男士？）冇呀！鄰居都係夫妻，或者係婆婆，可能要等佢哋啲孫大，身邊朋友的確有介紹畀我，不過依家好忙，得閒先」
她表示近日忙於拍攝TVB新劇《殺手》，昨晚拍攝一場危坐19樓天台邊的戲份，雖然有威吔保安全，但畏高的她嚇到險標淚，之後亦會繼續有在天台打交的戲份。
來源 source: http://hk.on.cc
|
鍾意就快D Share啦！
|
|
|
