林峯今年3月被傳背住吳千語同27歲34D大陸女模張馨月撻着，其後林峯承認同拍拖5年嘅吳千語分咗手，但未有承認同張馨月戀情。不過，佢哋兩個不時被發現出雙入對，而林峯堂妹林夏薇亦透露曾經見過未來「阿嫂」。
原來林峯早已經融入張馨月家中，噚日張馨月弟弟喺江蘇鹽城娶老婆，林峯都有現身婚禮，喺張馨月弟弟接新娘嗰陣，林峯仲企埋一邊笑晒口㖭。噚日有網民喺微博上載咗段片，片中清楚見到林峯喺度，網民留言話：「今天看到一朋友發的！林峰（峯）沒看錯啊！就是林峰（峯）本人！今天在鹽城参加朋友婚宴，男神真的一點都沒變！太帥了。」另外，亦有另一網民貼咗一對新人同林峯合照，留言話：「林峰（峯）現身婚禮。」
其實張馨月噚日都有喺微博貼咗多張弟弟嘅結婚相及新房嘅相，但就刻意避咗唔影埋林峰。張馨月留言話：「祝弟弟新婚快樂，早生貴子，姐姐為你布（佈）置的婚房，希望你喜歡，永遠愛你！」
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|