掃呢頁CODE去手機

2018年9月23日 星期日

鍾舒漫冇咗音樂繼續跳唱 軒仔祖兒讚專業:呢啲係天份,叻叻 __,張敬軒,祖兒,軒仔,鍾舒漫,容祖兒,

鍾舒漫冇咗音樂繼續跳唱軒仔祖兒讚專業:呢啲係天份,叻叻日前,歌手鍾舒漫(Sherman)喺西貢出席活動,期間演唱《小碎步》時,突然發生意外冇咗音樂。不 ...


  • 鍾舒漫冇咗音樂繼續跳唱 軒仔祖兒讚專業:呢啲係天份,叻叻


  • 日前,歌手鍾舒漫(Sherman)喺西貢出席活動,期間演唱《小碎步》時,突然發生意外冇咗音樂。不過,Sherman臨危不亂,同兩位dancer繼續唱繼續跳,台下觀眾見到都拍晒手歡呼。去到中段,Sherman嘅跳舞老師仲幫手玩beatbox增加氣氛,之後同場表演嘉賓之一嘅ToNick鼓手晨㬢都即席加入打鼓救場,睇到台下觀眾勁hyper。

    今次發生呢段小插曲,Sherman話:「突然間冇咗音樂,我第一個反應就係使唔使重新嚟過,但係我身體嘅感覺係要繼續去、the show must go on咁嘅感覺。當我一路跳嘅時候,我聽到我嘅排舞老師Rock sir嘅beat box。佢加咗度力俾我,我更加覺得唔好俾佢停,我覺得好團結。之後ToNick鼓手晨曦仲打埋鼓,嘩!我哋喺台上面團火再大好多!就算音樂停咗,我哋都盡力完成呢個心,我喺台上面都好feel到,係team work、好團結。」

    表演完結當晚,Sherman就將呢段小插曲擺咗上IG,更得到同門師兄張敬軒表揚,唔單只讚Sherma叻叻豬,仲提到唱快歌遇到呢啲情況係特別唔容易:「呢啲係天份,亦係無數努力排練嘅成果,好鬼叻吖。」師姐容祖兒亦都留言:「這就是勤有功,叻叻Sher Sher。」

    得到軒仔、祖兒「加持」,Sherman話完全冇諗過:「我淨係覺得每一場有咩事都要盡力做,最緊要係enjoy個show同埋我好感受到好多愛,包括排舞老師Rick sir嘅beat box,同埋晨曦上咗嚟,台下觀眾又俾support。雖然係意外,但係現場我好感覺到,我喺台上面都做得好開心、好投入。」

    立即下載Apps,隨時隨地睇盡時政專題、深度偵查、娛樂熱話!按此連結:http://bit.ly/next28app

    鍾意就快D Share啦!