2018年9月3日 星期一

李佳芯:為下一代着想 李佳芯身體力行撐環保 __,李佳芯,

Ali指參加「走塑」計劃係緣自一隻海龜。近年愈來愈多人注重環保,藝人李佳芯(Ali)率先響應「走塑」,參與AlipayHK跟MindshareHong ...


Ali指參加「走塑」計劃係緣自一隻海龜。


近年愈來愈多人注重環保,藝人李佳芯(Ali)率先響應「走塑」,參與AlipayHK跟Mindshare Hong Kong Content+合作籌辦「環保飲管計劃」,作為AlipayHK代言人的Ali表示今次參加活動是緣自一隻海龜:「之前睇過海龜鼻插塑膠飲管嘅片段,好心痛,所以好想為大自然出一分力,適逢今次活動,覺得好有意義,只要喺生活每一個細節作出小小改變,就可以幫助大自然。」

關注未來

Ali具濃厚的環保意識,未知會否因為之前拍攝劇集《BB來了》飾演媽媽,因而增添一份母愛,更加關注下一代未來?她笑言:「其實拍呢套劇之前,我都一直有唔錯嘅環保意識,因為我真係好鍾意大自然,拍完之後的確會想做更多事去改變生活。」

講起男友甜絲絲

談到有關幸福的問題,問Ali的終極幸福是否跟男友陳炳銓拉埋天窗、結婚生仔?她聞言即甜絲絲表示:「幸福其實可以好平淡。對每一日、每件細小事都心存感恩,全力去付出,得唔得到回報都好,喺每一件事上堅守自己信念,咁對我嚟說就已經係終極幸福。」

減用即棄用具

不僅棄用塑膠飲管,Ali平時亦會自備手巾、餐具,減少用紙巾及即棄餐具:「我都有叫身邊人支持今次活動,第一個就叫經理人支持!其實平時工作經常用飲管飲水,呢幾日好多工作人員見到我用麥莖飲管同生物薯粉飲管,都話好得意同有意義,個個都話要試。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...