掃呢頁CODE去手機

2018年9月7日 星期五

【家中最熟悉陌生人】幫唐寧湊仔犧牲自己兒女 外傭賺錢起屋得定失? __,唐寧,

香港有唔少家庭都由外籍傭人姐姐照顧。誇張啲講句,你著緊條底橫咩顏色、有無漬,佢都清楚過你自己。相反,你又對屋企呢個無血緣關係嘅親人認識幾多?ViuTV ...




香港有唔少家庭都由外籍傭人姐姐照顧。誇張啲講句,你著緊條底橫咩顏色、有無漬,佢都清楚過你自己。相反,你又對屋企呢個無血緣關係嘅親人認識幾多?ViuTV最近有個新節目──《最熟悉的陌生人》,嘗試由香港僱主身份出發,去到傭人姐姐嘅故鄉了解佢哋生活。

當中,參與節目嘅唐寧講過:「佢(Muji)陪咗我差不多6年時間,我生活上大大小小事情,佢都陪我經歷過。我好想喺呢幾日裡面,多啲經歷返佢嘅生活。我嚟係為咗了解佢更多,但又驚知得越多會越內疚,因為呢幾日所見到嘅,或者就係過去呢6年嚟,我喺Muji人生借走嘅風景。」

唐寧屋企嘅印尼姐姐Muji打咗六年工,將香港搵到嘅錢,喺鄉下買咗地起咗屋,齋睇外表,豪宅一樣。至於內部,雖然無咩裝潢、傢俬,但Muji話會逐步賺錢添置。單單呢一點,好多香港人窮一世都做唔到,難怪有網民話:「好葡萄!出國做6年就可以買樓養埋全家,香港人做到死都未得,其實佢哋(傭人姐姐)開心過好多香港人。」

為上車、向樓看,的確好似做傭人姐姐好過啦,但易地而處諗一諗:Muji個仔得6歲,自己6年嚟都喺外地打工,錯過晒囝囝識爬、識行、識嗌媽媽嘅階段,難道就唔內疚無後悔?所以,唐寧心情複雜都係人之常情:「攬住Muji嘅囝囝Risky,我心情有啲複雜。過去嗰6年入面,佢哋母子相處時間加加埋埋都唔夠100日,剩低嗰2000幾日,Muji用咗嚟照顧我嘅仔女。」

當然,有人亦認為:「有邊個打工仔唔係咁?天下無免費午餐,想賺多啲就要犧牲。一買一賣好正常。」啱呀,講得無錯!情何價?畢竟人人都有自己把尺,都有唔同嘅度量衡。

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!