網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年9月28日 星期五

【爆相爆片】告別騷後神隱染金髮 黃子華現身加拿大 __,子華,爆相爆片,黃子華,

 黃子華告別騷後,正放緊假。(fb、讀者提供圖片)
黃子華喺7月底,完成咗佢棟篤笑收咪作《金盆o浪口》26場騷後,子華都未有公開露面。神隱差唔多兩個月嘅子華,即使遠至加拿大,佢都被《蘋果》讀者野生捕獲, ...


黃子華喺7月底,完成咗佢棟篤笑收咪作《金盆o浪口》26場騷後,子華都未有公開露面。神隱差唔多兩個月嘅子華,即使遠至加拿大,佢都被《蘋果》讀者野生捕獲,當時子華身處加拿大卡爾加里機場,而最大亮點係,子華嘅一頭金髮。



頭髮要染黑、染白定染金,想點染立刻就可以變色,而黃子華多年嚟都試過染髮。好似讀者Johnson透過「爆相爆片」影到子華嘅新相,當日喺本月17日,Johnson表示︰「子華當時坐喺加拿大卡爾加里機場內,佢係搭內陸機去溫哥華。」相中嘅子華,着住件黑色羽絨坐响候機室,而佢一頭漂咗嘅金頭髮較為突出,但佢個樣仲有點疲倦,目無表情。本報曾致電其經理人May查詢,May表示︰「子華係放緊假。」至於子華去加拿大做乜,或點解會漂咗頭髮,May表示唔清楚。



自從黃子華做完棟篤笑之後,就冇再公開露面,而今個月5號係佢58歲生日。當日子華喺佢嘅facebook度貼咗張相,相中嘅子華頭戴黑色帽,手執一個壽包,精神唔錯仲微微笑,隱約見到佢耳邊嘅「的水」有啲白髮,但睇落當時未有漂頭髮。



而同一日子華再分享多一段片,片中有一班黑人小朋友,跟住一把男聲,讀出黑板上嘅字,先用國語讀︰「子華神,生日快樂!」跟住轉channel用廣東話讀︰「搵食啫,犯法咩!」之後再嚟國語讀︰「生日快樂!唔呀!」然後唱英文嘅生日歌,子華留言寫住︰「原本生日匿埋,點知蘇絲黃送份咁嘅禮物比我,笑到我瞓喺度,希望佢唔好剝削呢班小朋友嘅薪酬鋪上嚟,等大家都笑下!」原來係蘇絲黃同金燕鈴送上嘅驚喜。



精選娛聞,喺晒《娛果》

http://fb.com/appledailyent



黃子華告別騷後,正放緊假。(fb、讀者提供圖片) 黃子華漂咗金髮現身加拿大機場。(讀者提供圖片) 黃子華漂咗金髮現身加拿大機場。(讀者提供圖片)
月初喺黃子華58歲生日。(fb圖片)

月初喺黃子華58歲生日。(fb圖片)
阿蘇送上特別祝福,賀子華生日。(fb片段截圖)

阿蘇送上特別祝福,賀子華生日。(fb片段截圖)
7月底子華完成佢嘅棟篤笑告別作《金盆o浪口》。(資料圖片)

7月底子華完成佢嘅棟篤笑告別作《金盆o浪口》。(資料圖片)
2014年子華都有染過金髮。(fb圖片)

2014年子華都有染過金髮。(fb圖片)

鍾意就快D Share啦!


Related Posts Plugin for WordPress, Blogger...