掃呢頁CODE去手機

2018年9月27日 星期四

被老闆當面稱讚嘅滋味|伊波拉 __,伊波拉,

被老闆當面稱讚嘅滋味|伊波拉傳統地產發展商,間中都會喺股東會誇獎集團位高權重嘅老臣子。一方面可以對外展示自己集團人才輩出,做另類品牌建立嘅工作;另一方 ...


  • 被老闆當面稱讚嘅滋味|伊波拉


  • 傳統地產發展商,間中都會喺股東會誇獎集團位高權重嘅老臣子。一方面可以對外展示自己集團人才輩出,做另類品牌建立嘅工作;另一方面,家臣都需要工作推動力,被人當面讚許,工作上仲唔落多幾錢肉緊?

    沒想到這個傳統做法,也讓新一代地產商接班人好好承傳落嚟。

    新世界最近公布業績,本身呢個業績已經有好多重點。第一當然係純官嘅講法,通常老/病而不退嘅人都有一種吉祥物嘅特質,即係會代表集團係講一啲取悅傳媒、引導輿論嘅說法。長實李嘉誠係退休之前,就將呢一樣野玩到出神入化,大家係股東會都唔係特別關心長實嘅業績,都係關心佢哋有冇走資,誠哥對而家政治經濟大局嘅睇法,期待有冇啲咩金句爆出嚟等等。

    自從純官上兩次股東會後,大家都期待有冇一啲金句彈出嚟。外界一直認為新世界第三代接班人Adrian係由彤叔隔代欽點,直至「幕後支持」講法一出,相信掃去負面陰霾,尤其是睇返呢幾年香港好多有錢人同地產商都會出現爭家產同分身家嘅下場。純官嘅講法至少可以安撫左好多投資者,又或者令到一啲隔岸觀火嘅人食少幾粒花生。

    順利交替亦都支持呢篇文章嘅重點。當新世界第三代話事人真正掌權後,佢先至可以大展拳腳,其中一個股東會嘅重點,就係Adrian羅致了uber前高層Kenneth She加入去發展同養老護理相關嘅業務。

    一個29歲嘅年輕人,比個老闆當面係股東會高度讚揚,如果你係老闆條靚,你會點諗?當然係出盡心力係幫公司發展。

    香港好多做創業嘅人,執行能力同魄力都強,但創業本來就係九死一生嘅遊戲。當失敗了,有伯樂賞識加入公司,都係香港創業家嘅另一個出路。創業經驗不會白費,體制入面如果搞得掂辦公室政治,可能有更多新想法同動力注入傳統公司,都係一個洗血換脈嘅好機會

    香港地產商或有錢人第三代,好多都因循去做返自己份內事,鋒芒不露,一嚟係家教問題,二來本業太厲害,根本就唔會有心機去發展新嘅業務。新世界樓宇銷售創左新高,食十世都唔使憂,但新一代話事人人依然搞作多多,到底呢個方向係唔係正確,大家就要睇落去。

    作者簡介:

    伊波拉

    隱形對沖基金經理,也會處理創投和上市公司項目。如果本質上我係一個金融古惑仔,咁我就係雙花紅棍

    鍾意就快D Share啦!