狗場在風災後夷為平地。（林耀康攝）
「山竹」吹襲本港，大埔狗場被夷為平地，姓洪男場主命危，洪太今日（18日）在醫院接受訪問稱，其夫以前在職業訓練局教書，約3年前成立「老有所依動物村」，狗場在2個半月前搬到大埔元嶺，建築物由鐵支架及鐵皮搭成，滿以為非常穩固，詎料遇到風災不堪一擊。
洪太憶述事件仍猶有餘悸指：「當時我喺房，佢（丈夫）喺廳，突然有一陣好強嘅風，我當時已經feel到有唔妥，抱着隻史納莎想落地，已經落唔到，我連人帶床被拋起，間屋反咗，我畀張床冚住，上面有啲嘢跌落嚟，好彩張床擋住咗。」一切來得極為突然，當她回過神來時，發現自己已被拋出狗場範圍，跌落在旁邊的河流，她即時驚慌得大叫求救，惜一直得不到丈夫的回應。她坦言：「我當時畀啲水浸住，水位愈來愈高，我好驚頂唔住，即刻打電話搵朋友幫手。」
救援人員於半小後趕到，先將她救出，她立即望向丈夫所在位置，發現他被壓在雜物堆下，旁邊有兩隻金毛尋回犬守在身旁。洪太透露，丈夫疑被硬物擊中，腦部疑出血及斷4條肋骨，頸椎移位，已進行腦掃描，現時腦壓穩定，對旁人說話有反應，不過仍未脫離危險期。
洪太又指，狗場本來養了24隻狗，有一隻唐狗疑太驚慌走失，友人正在現場搜尋牠的下落，另有一隻洛威拿則被重物砸傷，已送到獸醫診治，其餘的22隻狗則被不同友人接回家照顧，她稍後會把所有狗接回照料，堅定地道：「當然要接佢哋返嚟，佢哋係我屋企人，係我同洪生嘅仔女。」
來源 source: http://hk.on.cc
|
鍾意就快D Share啦！
|
|
|
