掃呢頁CODE去手機

2018年9月24日 星期一

【佘詩曼遲到】秦嵐、吳謹言品味一致 揀男人都係要「靚仔」 __,佘詩曼,吳謹言,秦嵐,

皇后秦嵐係許凱心目中理想對象,而秦嵐同吳謹言就鍾意靚仔。
「嫻妃」佘詩曼因為《延禧攻略》爆紅,喺大陸工作冇停手,今日都要由大陸趕返香港,出席《延禧南巡》嘅錄影節目,雖然遲到,但眾人都唔介意。阿佘仲即場教大家「 ...


「嫻妃」佘詩曼因為《延禧攻略》爆紅,喺大陸工作冇停手,今日都要由大陸趕返香港,出席《延禧南巡》嘅錄影節目,雖然遲到,但眾人都唔介意。阿佘仲即場教大家「廣東話傳聖旨」,但吳謹言嘅語言天份似乎麻麻,向許凱講「你好Chok時」,就好似講咗「你好嘈」,反而許凱就話明白「你好Chok」嘅意思。



一眾演員合作演出一段搞笑版《延禧》延續篇,吳謹言同許凱又擁抱又拖手,搞到現場觀眾尖叫不停,許凱話要同皇上講:「還回魏瓔珞給我。」而「皇后」秦嵐則大發神威要賜死蘇青,又勸佘詩曼要善良,最後秦凱更獻唱《延禧攻略》主題曲《雪落下的聲音》,令Fans聽出耳油。



而「瓔珞」吳謹言同「皇后」秦嵐戲裏戲外都情同姊妹,喺錄影節目中,問大家咩條件嘅男士先能成為秦嵐嘅男朋友?吳謹言乖巧答:「娘娘喜歡就好!」秦嵐話要個子高。咁吳謹言嘅擇偶條件呢?兩人不約而同答「靚仔」,真係好有默契。



至於許凱嘅擇偶條件,蘇青笑住話:「反正不是愛爾晴。」吳謹言亦插嘴指佢中意善良嘅女仔,許凱話:「喜歡皇后這樣,溫柔、大方、善良、漂亮和性感的。」富察皇后秦嵐即開心甜笑。



精選娛聞,喺晒《娛果》

http://fb.com/appledailyent



《延禧》眾演員一齊派心。 《延禧》眾演員一齊派心。
「廣東話傳聖旨」環節,估唔到許凱語言天份咁高。

「廣東話傳聖旨」環節,估唔到許凱語言天份咁高。
吳謹言將「好chok」講成「好嘈」。

吳謹言將「好chok」講成「好嘈」。
阿佘見到陳豪就好開心。

阿佘見到陳豪就好開心。
仲開心到攬攬。

仲開心到攬攬。
秦嵐同鄭裕玲

秦嵐同鄭裕玲
阿Bob扮「肥版高貴妃」不停搞氣氛。

阿Bob扮「肥版高貴妃」不停搞氣氛。

鍾意就快D Share啦!