網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年9月4日 星期二

劉德華預演巡唱 創傷後遺乜都有陰影 __,劉德華,

華仔的演唱會今日公開售票,坦言已有心理準備歌迷網上搶飛時會冧server。
華仔的演唱會今日公開售票,坦言已有心理準備歌迷網上搶飛時會冧server。劉德華昨日於尖沙嘴洲際酒店宣傳12月舉行的演唱會,其間他又唱又跳,又重溫開騷 ...


劉德華昨日於尖沙嘴洲際酒店宣傳12月舉行的演唱會,其間他又唱又跳,又重溫開騷時經典的爆呔場面,甚至連有關女兒的問題都回答,心情甚好。個唱門票今日公開發售,華仔坦言有心理準備網上搶飛時會冧server,而他重提墮馬一事時,更坦承患上嚴重創傷後遺症:「對乜都有陰影,例如停車又驚後面架車撞埋嚟。」

劉德華將於12月15日起於紅館舉行20場「My Love Andy Lau 劉德華World Tour」,昨日華仔以棟篤笑形式在尖沙嘴宣傳,舉行了一個35分鐘的小型演唱會,其間播出他以前演唱會的造型,包括空中飛人、跳拉丁舞等,對於最難忘的爆呔爆褲相片,華仔形容:「係不可修補的裂縫。」並表示自此做褲時會做闊一點。



華仔昨日舉行了一個35分鐘的小型演唱會,又唱又跳心情甚好。 華仔昨日舉行了一個35分鐘的小型演唱會,又唱又跳心情甚好。
當年華仔在演唱會上爆褲,令他之後做褲都會做闊一點。

當年華仔在演唱會上爆褲,令他之後做褲都會做闊一點。

60歲Junior幫抹身

唱完歌睇完經典畫面,華仔主動重提墮馬一事:「坐飛機返嚟香港俾一個氣泡包圍,一到香港之後,化妝師就畀四個口罩我,話啲人實會影你,你𠵱家好醜樣。之後喺醫院過年廿八洗邋遢,一班護士長就話幫我洗頭抹身,資深幫我洗頭,junior就幫我抹身,但估唔到junior都60歲。」當螢幕播出華仔墮馬後康復期間撐枴杖的照片時,華仔說:「張相出咗之後,都好多人模仿拎士的嘅相撐我,點知士的商就想趁呢個機會問可唔可以長期合作,我呸!其實我哋搵sponsor好嚴格。」

鏡頭前華仔談笑風生,問他現時身體是否已完全康復?他苦笑說:「喺醫學角度嚟講,神經線破壞咗係唔能夠恢復,我腳趾尾有時會痹痹哋,令我心情有啲煩,好似蛀牙咁。」並坦承墮馬事件令他有嚴重創傷後遺症:「對乜都有陰影,例如停車又驚後面架車撞埋嚟,幾嚴重㖭,自己一路落嚟都覺得樂觀啲啦,唔好諗咁多。」

演唱會不設公開發售,只設網上、流動應用程式及信用卡電話訂購,華仔表示早已預料有冧server的可能:「每樣嘢都要試吓,同好多單位都研究過,其實上年都討論過,起碼阻截到唔好喺街度你爭我奪。」他表示如出現問題,不排除會停止售票:「如果有一啲不正常嘅賣票情況出現,我覺得要諗一諗,睇吓係咪要停咗佢嚟過。」



早前華仔為警方拍片,呼籲歌迷小心購買門票。資料圖片

早前華仔為警方拍片,呼籲歌迷小心購買門票。資料圖片
去年1月華仔在泰國墮馬受傷後返港,他謂有創傷後遺症。資料圖片

去年1月華仔在泰國墮馬受傷後返港,他謂有創傷後遺症。資料圖片
華仔與演唱會肌肉figure合照,笑言七嚿腹肌已是七年前的事,今次未必操得番。

華仔與演唱會肌肉figure合照,笑言七嚿腹肌已是七年前的事,今次未必操得番。

七嚿腹肌Call唔番

過往華仔在演唱會中有好多飛天遁地場面,他講笑說今次減少動作:「今次淨係瞓喺度,會以安全為主,仲專登邀請咗人用耳機指揮,提住我走位,希望預多少少時間踩場。」嘉賓方面,華仔歡迎大家自薦,同時亦介紹了演唱會的「唯一嘉賓」,正是自己一比一的figure,他說:「都唔知點解七嚿腹肌鴛鴦,但未來日子裏面睇唔睇到七嚿就未必得,因為已經係七年前嘅事,未必返得到嚟,曾經都call過佢,招呼都唔打就cut咗我線。」

採訪:卓寶花

攝影:林賓尼




鍾意就快D Share啦!